الماتىدا كيبەرسپورتتان تۋرنير ءوتتى
ALMA CUP 2024 ءتۋرنيرى الەمدەگى ەڭ تانىمال ويىنداردىڭ ءبىرى - Counter- Strike: Global Offensive ويىنى بويىنشا ۇيىمداستىرىلدى.
«ALMA CUP 2024» جوباسى اياسىندا ج وو مەن كوللەدجدەر اراسىندا كيبەرسپورتتان تۋرنير الماتى قالاسى جاستار ساياساتى باسقارماسىنىڭ قولداۋىمەن ءوتتى. ايتا كەتەيىك، «ALMA CUP»- شاعىن فۋتبول، باسكەتبول، ۆولەيبول جانە كيبەرسپورت سياقتى كوماندالىق ويىنداردى قامتيتىن اۋقىمدى سپورتتىق تۋرنير.
كيبەرسپورت بويىنشا وتكەن ءتۋرنيردىڭ جۇلدە قورى 4800000 تەڭگەنى قۇرادى. جارىسقا الماتىنىڭ جوعارعى وقۋ ورىندارىنان 16 كوماندا قاتىستى.
تۋرنير ناتيجەسى بويىنشا قازاق باس ساۋلەت- قۇرىلىس اكادەمياسىنىڭ كومانداسى 3 - ورىنعا يە بولدى. ەكىنشى ورىنعا قازاقستان-بريتان تەحنيكالىق ۋنيۆەرسيتەتىنىڭ كومانداسى جايعاسسا، ۇزدىك ناتيجە كورسەتكەن حالىقارالىق اقپاراتتىق تەحنولوگيالار ۋنيۆەرسيتەتىنىڭ ستۋدەنتتەرى التىن جۇلدە جەڭىپ الدى.
