الماتىدا ەكى كۇن قار بورايدى
استانا. KAZINFORM — الماتىدا الداعى ەكى كۇندە قار جاۋىپ، كوكتايعاق بولادى. سوندىقتان الماتىنىڭ كوممۋنالدىق قىزمەتتەرى كۇشەيتىلگەن جۇمىس رەجيمىنە كوشەدى.

22-قاڭتارعا قاراعان تۇننەن باستاپ ەكى تاۋلىك ىشىندە قالادا قار جاۋادى. كوكتايعاق كۇتىلىپ، اۋا تەمپەراتۋراسى تومەندەيدى:
«قالانىڭ كوممۋنالدىق قىزمەتتەرى كۇشەيتىلگەن جۇمىس رەجيمىنە كوشىپ جاتىر. وندىرىستىك بازالاردا تاۋلىك بويى كەزەكشىلىك ۇيىمداستىرىلدى. 204 قۇمتاراتقىش قار جاۋا باستاعانعا دەيىن ورنالاسقان جەرلەرىندە كەزەكشى بولادى»، - دەپ جازىلعان قالا اكىمدىگى حابارلاماسىندا.
اكىمدىك مالىمەتىنشە، تاۋلىك بويى 624 ارنايى تەحنيكا مەن 1380 جول جۇمىسشىسىن تارتۋ جوسپارلانىپ وتىر.
«قۇرمەتتى جاياۋ جۇرگىنشىلەر! تروتۋارلاردا اباي بولىڭىز، شاتىرلاردان قار مەن مۇز ءتۇسۋى مۇمكىن، سوندىقتان كوپ قاباتتى عيماراتتاردان الشاق جۇرگەن ءجون»، - دەپ ەسكەرتتى قالا اكىمدىگى.