الماتىدا كولىكتەردى زاڭسىز تىركەۋمەن اينالىسقان قىلمىستىق توپ ۇستالدى

الماتى. KAZINFORM - ىشكى ىستەر مينيسترلىگى ارنايى جەدەل ءىس-شارالار بارىسىندا ۇيىمداسقان قىلمىسقا قارسى كۇرەس ءبولىنىسى پروكۋراتۋرانىڭ كومەگىمەن الماتى قالاسىندا كولىك قۇرالدارىن تىركەۋگە قويۋدىڭ قىلمىستىق سيكلىن انىقتاعانىن حابارلادى.

قىلمىستىق توپ كولىك قۇرالىنىڭ بىرەگەي كودىن وزگەرتۋ جانە قۇجاتتاردى قولدان جاساۋ ارقىلى اۆتوكولىكتەردى تىركەۋمەن اينالىسقان. ناتيجەسىندە VIN- كودتاردى وزگەرتۋمەن اينالىسقان جەراستى تسەحىنىڭ جۇمىسى اشكەرەلەندى. تىركەۋگە زاڭسىز قويىلعان 150-دەن استام اۆتوكولىك انىقتالدى.

- قىلمىستىق ءىس-ارەكەتكە ارنايى حالىققا قىزمەت كورسەتۋ ورتالىعى قىزمەتكەرلەرىنىڭ جانە دەلدالداردىڭ قاتىسى انىقتالدى. ءبىر دروپپەرگە 50 اۆتوكولىككە دەيىن تىركەلگەن. 17 كۇدىكتى ۇستالدى. زاتتاي دالەلدەمەلەر تاركىلەندى. ا ە ق قاۋىپسىزدىك قىزمەتىمەن بىرلەسىپ تەكسەرۋ جالعاسۋدا، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتى وكىلى قۋاندىق الپىس.

مەملەكەتكە زاڭسىز ارەكەتتەردەن كەلتىرىلگەن زالال شامامەن 320 ميلليون تەڭگەدەن استى. الاياقتىق، مالىمەتتەر بازاسىنداعى اقپاراتتى زاڭسىز وزگەرتۋ مەن كولىك قۇرالدارىنىڭ سايكەستەندىرۋ نومىرلەرىن قولدان جاساۋ فاكتىلەرى بويىنشا 17 قىلمىستىق ءىس تەرگەلىپ جاتىر.

اۆتور
دوسبول اتاجان