08:55, 28 - ناۋرىز 2024 | GMT +6
الماتىدا كروكۋس گۇلدەپ جاتىر
الماتى. KAZINFORM - الماتىلىقتار مەن قالا قوناقتارى كروكۋس گۇلدەرىنىڭ جانىندا سۋرەتكە ءتۇسۋ ءۇشىن ەسەنتاي وزەنىنىڭ جاعالاۋىنا كوپتەپ جينالۋدا.
الماتى اكىمدىگىنىڭ مالىمەتىنشە، وتكەن جىلدىڭ كۇز مەزگىلىندە 100 مىڭنان استام كوپ جىلدىق گۇلدەر وتىرعىزىلعان بولاتىن. بيىل كوكتەمدە اق، كوك جانە كۇلگىن ءتۇستى كروكۋستار گۇلدەدى.
«كروكۋستاردىڭ گۇلدەنۋىمەن ەسەنتاي وزەنىنىڭ جاعالاۋى ءتۇرلى تۇسكە بويالدى. بۇل گۇلدەر كوكتەمنىڭ حابارشىلارى، ءۇمىت پەن قايتا جاڭعىرۋدىڭ سيمۆولى. قالا تۇرعىندارى مەن قوناقتارى كروكۋستاردى تاماشالاۋعا كەلىپ، اشىق ءتۇستى گۇلدەردىڭ فونىندا سۋرەتكە ءتۇسىپ، قۋانىشقا بولەنۋدە»، - دەپ حابارلادى الماتى اكىمدىگىنىڭ باسپا ءسوز قىزمەتى.
اۆتور
دۋمان ارعىنگەلدى
