الماتىدا جىل باسىنان بەرى 300 گە جۋىق ادام كوروناۆيرۋس جۇقتىرعان

الماتى. KAZINFORM - الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى مەگاپوليستە كوروناۆيرۋستىق ينفەكسيا بويىنشا ەپيدەميولوگيالىق جاعداي تۇراقتى ەكەنىن حابارلايدى.

دەپارتامەنت مالىمەتىنە سايكەس، سوڭعى 7 كۇندە كوروناۆيرۋس جۇقتىرۋدىڭ 2 جاعدايى تىركەلگەن. ال 2024-جىلدىڭ قاڭتار ايىنان باستاپ 27-ماۋسىمعا دەيىن قالا تۇرعىندارى اراسىندا كوروناۆيرۋس ينفەكسياسىنىڭ راستالعان 282 جاعدايى بولعان. ونىڭ ىشىندە 14 جاسقا دەيىنگى بالالار اراسىندا - 31 جاعداي، جاس وسپىرىمدەر اراسىندا - 6 جاعداي، ەرەسەكتەر اراسىندا - 245 جاعداي.

- كوروناۆيرۋس ينفەكتسياسىن جۇقتىرۋدىڭ الدىن الۋ ءۇشىن قورعانىس ماسكالارىن قولدانۋ جانە ادامدار كوپ جينالاتىن جەرلەرگە بارۋدان جانە تەمپەراتۋراسى جوعارى ناۋقاستارمەن بايلانىستا بولۋدان باس تارتۋ ۇسىنىلادى. اۋرۋدىڭ الدىن الۋ ءۇشىن ءۇي-جايلاردى ۇنەمى جەلدەتىپ وتىرۋ، دىمقىل تازالاۋ، سونداي-اق جەكە گيگيەنا ەرەجەلەرىن ساقتاۋ ۇسىنىلادى. ەگەر رەسپيراتورلىق اۋرۋلاردىڭ بەلگىلەرى پايدا بولسا، ماسكا كيىپ، دەرەۋ مەديتسينالىق كومەككە جۇگىنۋ كەرەك، - دەدى الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.