الماتىدا جول ەرەجەسىن بۇزعان تانىمال بلوگەر جازالاندى
الماتى. قازاقپارات - Daricorn اتىمەن تانىمال بلوگەر داريعا نۇركەيەۆا جول ەرەجەسىن ورەسكەل بۇزعان.
ول كولىك باسقارىپ وتىرعان بەينەجازباسىن الەۋمەتتىك جەلىدەگى ءوز پاراقشاسىندا جاريالاعان. الماتى قالاسىنىڭ پوليتسيا دەپارتامەنتى بلوگەر ەكى باپ بويىنشا اكىمشىلىك جاۋاپكەرشىلىككە تارتىلعانىن مالىمدەدى.
- ينتەرنەت كەڭىستىكتى تالداۋ بارىسىندا بەلگىلى بلوگەر - قىزدىڭ جول-كولىك ەرەجەلەرىن ورەسكەل بۇزعانى انىقتالدى. تەرگەۋ قورىتىندىسى بويىنشا قۇقىق بۇزۋشى ق ر ا ق ب ك- ءنىڭ 595-بابىنىڭ 1-بولىگى (سيگنال بەرۋ تالاپتارىن ورىنداماۋ) جانە ق ر ا ق ب ك- ءنىڭ 606-بابىنىڭ 1-بولىگى (اپاتتىق جاعداي تۋعىزۋ) بويىنشا اكىمشىلىك جاۋاپكەرشىلىككە تارتىلدى. مۇنداي ارەكەتتەر جاي عانا جاۋاپسىزدىق ەمەس، ول باسقالاردىڭ ءومىرى مەن دەنساۋلىعىنا قاساقانا قاۋىپ ءتوندىرۋ. مۇنىڭ ءبارى ينتەرنەتتەگى لايك پەن قارالىم ءۇشىن جاسالادى. تانىمالدىلىق دەڭگەيى، وقىرمانداردىڭ سانى جاۋاپكەرشىلىكتەن بوساتپايدى. زاڭ - بارىنە بىردەي، - دەپ حابارلادى پوليتسيا.
ەسكە سالايىق، بۇعان دەيىن داريعا نۇركەيەۆاعا قاتىستى وزگە داۋ بولعان ەدى. وعان بايلانىستى بالالار ومبۋدسمەنى پىكىر ءبىلدىردى.
