الماتىدا جول قوزعالىسىن ۇيىمداستىرۋ ورتالىعى قۇرىلادى
الماتى. KAZINFORM - الماتى اكىمى مەگاپوليستەگى جول قوزعالىسىنا قاتىستى ماسەلەلەر قالاي شەشىلەتىنىن ايتتى.
ەربولات دوسايەۆ المالى اۋدانىنىڭ تۇرعىندارىمەن كەزدەسۋى بارىسىندا باعدارشامدار جۇمىسىنداعى اقاۋ جانە كولىك قوزعالىسىنا قاتىستى سۇراققا جاۋاپ بەردى.
- قالادا جولداعى قوزعالىستى باسقارۋ مەن قاۋىپسىزدىكپەن قامتاماسىز ەتۋ جۇمىستارى جۇرگىزىلىپ جاتىر. قالاداعى بارلىق باعدارشام كومپلەكستەرىنىڭ، ولاردىڭ سانى - 585، تەك 91 ى زاماناۋي تالاپتارعا ساي كەلەدى. بيىل ءبىز باعدارشامداردى اۋىستىرۋ بويىنشا اۋقىمدى جۇمىستى باستايمىز. سونداي-اق بۇرىن ەشقاشان بولماعان جول قوزعالىسىن ۇيىمداستىرۋ ورتالىعىن قۇرامىز. بۇگىنگى كۇنى بۇل قىزمەت پوليتسيا دەپارتامەنتىنىڭ قۇزىرەتىندە. ءبىراق ىشكى ىستەر مينيسترلىگىنىڭ ماقۇلداۋىمەن ەندى پوليتسيا قاۋىپسىزدىك سۇراقتارىنا جاۋاپ بەرسە، ال جول قوزعالىسىن اكىمدىك باسقاراتىن بولادى. بۇل جوبا دايىندالىپ جاتىر جانە وسى جىلدىڭ كۇزىندە باستايمىز دەپ ۇمىتتەنەمىز، - دەدى شاھار باسشىسى.
ەسكە سالايىق، بۇعان دەيىن الماتىدا ەكى كۇندە 21 زاڭسىز ورناتىلعان دۇڭگىرشەك بۇزىلعانىن جازعانبىز.
اۆتور
الما مۇقانوۆا
