08:07, 30 - مامىر 2024 | GMT +6
الماتىدا جۇرگىزۋشىنىڭ باسىن جارعان موپەدشىلەر ىزدەستىرىلىپ جاتىر
الماتى. KAZINFORM - الەۋمەتتىك جەلىلەردە ەكى موپەدشىمەن ەر ادام اراسىنداعى توبەلەستىڭ بەينەجازباسى تارادى.
بەينەروليكتەن ەر كىسى مەن قولىنا ارماتۋرا ۇستاعان موپەدشىلەر اراسىنداعى توبەلەستى كورۋگە بولادى. جانجال سالدارىنان كولىك جۇرگىزۋشىنىڭ باسى جارىلعان. ادامدار توبەلەستى توقتاتىپ، وقيعا ورىنان كەتپەكشى بولعان موپەدشىلەردى توقتاتۋعا تىرىسقان. اتالعان جاعدايعا بايلانىستى الماتى قالاسىنىڭ پوليتسيا دەپارتامەنتى تۇسىنىكتەمە بەردى.
«ادام دەنساۋلىعىنا قاساقانا اۋىر زيان كەلتىرۋ فاكتىسى بويىنشا قىلمىستىق ءىس قوزعالدى. كۇدىكتىلەردى ۇستاۋ بويىنشا جەدەل-ىزدەستىرۋ شارالارىنىڭ كەشەنى قابىلدانۋدا»، - دەپ حابارلايدى دەپارتامەنت باسپا ءسوز قىزمەتىنەن.
اۆتور
دوسبول اتاجان
