الماتىدا جەر سىلكىنىسىنەن قانداي وقۋ ورىندارى زارداپ شەكتى
الماتى. KAZINFORM - الەۋمەتتىك جەلىدە ءال- فارابي جانە اباي اتىنداعى ۋنيۆەرسيتەت عيماراتتارىنىڭ بۇلىنگەنى تۇسىرىلگەن ۆيدەو پايدا بولدى.
4-ناۋرىزدا بولعان جەراستى دۇمپۋىنەن ءال- فارابي اتىنداعى قازاق ۇلتتىق ۋنيۆەرسيتەتىندەگى ەكونوميكا جانە جوعارى بيزنەس فاكۋلتەتىنىڭ 2-قاباتىنداعى قابىرعالارىنا جارىقشاق تۇسكەن.
ۆيدەونى ستۋدەنتتەر جۇكتەگەنىمەن، ج و و اكىمشىلىگى ازىرگە ناقتى تۇسىنىكتەمە بەرمەدى.
«اقپارات ناقتىلانعان جوق. عيماراتتارعا ەشكىم كىرمەدى. ستۋدەنتتەر ۇيلەرىنە قايتارىلدى»، - دەپ حابارلادى ج و و باسپا ءسوز قىزمەتىرنەن.
ال، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ اكىمشىلىگى جەر سىلىكىنىسى سالدارىنان وقۋ عيماراتتارى مەن جاتاقحانالاردا جارىقتار پايدا بولعانىن راستادى.
«جەر دۇمپۋىنەن وقۋ عيماراتتارى مەن جاتاقحانالاردىڭ كەيبىر جەرلەرىن دە بولار بولماس جارىقتار پايدا بولدى، ءبىراق ايتارلىقتاي زاقىمدانۋلار انىقتالعان جوق. ۆيدەودا ۋنيۆەرسيتەتتىڭ 425 اۋديتورياسى كورسەتىلگەن. وندا اسپالى توبەنىڭ بىرنەشە جەڭىل تاقتايشاسى قۇلادى. قازىرگى ۋاقىتتا توبەنىڭ زاقىمدانعان جەرىن جوندەۋ جۇمىستارى جۇرگىزىلىپ جاتىر»، - دەدى قوعاممەن بايلانىس دەپارتامەنتىنىڭ ديرەكتورى ريمما ابدىقادىر قىزى.
سونىمەن قاتار، ول جەر سىلكىنىسىنىڭ العاشقى بەلگىلەرىنەن كەيىن ستۋدەنتتەر مەن قىزمەتكەرلەر عيماراتتان دەرەۋ ەۆاكۋاتسيالانىپ، سىرتقا شىعارىلعانىن جەتكىزدى.
«بۇگىنگى جاعدايعا بايلانىستى ستۋدەنتتەر ساباقتان بوساتىلدى. جاتاقحانالاردا ستۋدەنتتەردىڭ قاۋىپسىزدىگىن قامتاماسىز ەتۋ ءۇشىن ارنايى كەزەكشىلىك ۇيىمداستىرىلىپ، ءتيىستى شارالار قابىلداندى»، - دەپ اتاپ ءوتتى جوعارى وقۋ ورنىنىڭ وكىلى.
