15:42, 05 - ناۋرىز 2024 | GMT +5
الماتىدا جەر سىلكىنىسىنەن جولايرىق پەن جاياۋ جۇرگىنشى وتكەلدەرىنە زاقىم كەلمەگەن
الماتى. KAZINFORM - الماتىدا بولعان جەر سىلكىنىسىنەن كەيىن ماماندار 36 جولايرىق پەن كوپىرگە، 45 جەرۇستى جانە جەراستى جاياۋ جۇرگىنشىلەر وتكەلىنە تەكسەرۋ جۇرگىزدى.
بۇل تۋرالى قالالىق موبيلدىلىك باسقارماسى ءمالىم ەتتى.
«ەشقانداي زاقىم انىقتالعان جوق. سونىمەن قاتار كوپىرلەر مەن وتكەلدەردى ەگجەي-تەگجەيلى زەرتتەۋ جۇمىستارى جالعاسىپ جاتىر» دەلىنگەن حابارلامادا.
ەسكە سالايىق، 4- ناۋرىز كۇنى الماتىدا 5 بالدىق جەر سىلكىنىسى بولدى.
سالدارىنان ءبىرقاتار ءبىلىم بەرۋ مەكەمەسىنىڭ قابىرعالارىندا جارىقشاقتار پايدا بولدى.
