الماتىدا جەر سىلكىنىسى قايتالانۋى مۇمكىن - نۇرلان اتىعايەۆ

الماتى. KAZINFORM - قازىرگى ۋاقىتتا جەر ءدۇمپۋىنىڭ قايتالانۋ قاۋپى ساقتالىپ وتىر. بۇل تۋرالى الماتى قالالىق توتەنشە جاعدايلار دەپارتامەنتىنىڭ باسشىسى نۇرلان اتىعايەۆ ءمالىم ەتتى.

«الماتى قالالىق توتەنشە جاعدايلار دەپارتامەنتىندە ارنايى شتاب قۇرىلدى. ءدال قازىرگى ۋاقىتتا جەر ءدۇمپۋىنىڭ قايتالانۋ قاۋپى ءالى دە ساقتالادى. افتەرشوك. بۇكىل قالا تۇرعىندارى مەن قوناقتارىن سابىر ساقتاپ، جاقىن ورنالاسقان حالىقتى قابىلداۋ پۋنكتىنە بارۋلارىڭىزدى سۇرايمىز»، - دەدى نۇرلان اتىعايەۆ.

ايتا كەتەيىك، بۇگىنگى جەر سىلكىنىسى الماتىدا - 5 بال، جەتىسۋ وبلىسىندا - 2 بال كولەمىندە سەزىلدى.

الماتى قالاسى ت ج د جەكە قۇرامى «جيىن» سيگنالى بويىنشا كوتەرىلدى.

زارداپ شەككەندەر تۋرالى اقپارات تۇسكەن جوق. جەر سىلكىنىسىنىڭ سالدارى تۋرالى اقپارات جينالىپ جاتىر.

ت ج م جەدەل جەلىنى ىسكە قوستى.

 

اۆتور
الما مۇقانوۆا