الماتىدا جەر قاتىناستارى باسقارماسىنىڭ بۇرىنعى باسشىسى قامالدى
الماتى جەر قاتىناستارى باسقارماسىنىڭ بۇرىنعى باسشىسى جەمقورلىق جاسادى دەگەن كۇدىككە ءىلىندى، دەپ حابارلايدى قازاقپارات ءتىلشىسى.

سىبايلاس جەمقورلىققا قارسى قىزمەتپەن جاسىرىن ءىس-شارالار مەن جەمقورلىق تاۋەكەلدەرىن سىرتقى تالداۋ ناتيجەلەرى بويىنشا الماتى قالاسى جەر قاتىناستارى باسقارماسىنىڭ بۇرىنعى باسشىسىنىڭ ارەكەتى اشكەرەلەندى.
«ول ينۆەستيتسيالىق جوبالاردى ىسكە اسىرۋ سىلتاۋىمەن جەكە تۇلعالارعا مەملەكەتتىك جەر قورىنان جەر ۋچاسكەلەرىن تومەن باعامەن زاڭسىز يەمدەنۋگە جاردەمدەستى دەگەن كۇدىككە ءىلىندى. شەنەۋنىكتىڭ ارەكەتى ناتيجەسىندە مەملەكەتكە جالپى سوماسى 180000000 تەڭگەگە زالال كەلتىرىلدى»، - دەپ حابارلادى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى.
سوتتىڭ سانكسياسىمەن كۇدىكتى قاماۋعا الىندى. سوتقا دەيىنگى تەرگەۋ جالعاسىپ جاتىر.
قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.