الماتىدا جازۋشى ماعاز رازدان ۇلىنىڭ تاڭدامالى 3 تومىنىڭ تۇساۋكەسەرى ءوتتى
استانا . KAZINFORM - بۇگىن الماتى قالاسىندا، قىتايدا وتكەن كورنەكتى قازاق جازۋشىسى ماعاز رازدان ۇلىنىڭ تۋعانىنا 100 جىل تولۋىنا وراي عىلىمي كونفەرەنسيا ۇيىمداستىرىلىپ ، جازۋشىنىڭ تاڭدامالى 3 تومىنىڭ تۇساۋكەسەرى ءوتتى .
اتالعان ءىس-شاراعا قازاقستان جازۋشىلار وداعى، قالامگەرلەر جانە زيالى قاۋىم وكىلدەرى مەن جازۋشىنىڭ ۇرپاقتارى قاتىستى .
شارانى، قازاقستان جازۋشىلار وداعى مەن ەر جانىبەك حالىقارالىق قوعامدىق قورى بىرلەسىپ ۇيىمداستىرعان بولاتىن .
ماعاز رازدان ۇلى (1924-1998) قىتاي شىڭجاڭ ولكەسى التاي ايماعى بۋىرشىن اۋدانىندا تۋعان . قازاقتىڭ كورنەكتى اقىن، جازۋشىسى. قىتاي قازاقتارىنىڭ جازبا ادەبيەتىنىڭ نەگىزىن سالۋشىلاردىڭ ءبىرى. «التايدىڭ اقيىقتارى»، «سارى بەل»، «ۋاقىتقا جاۋاپ»، «اتا زامان سويلەيدى»، «ەرتەڭ»، «اسۋلار تولعاۋى»، ت. ب. كىتاپتاردىڭ اۆتورى.
قازاقستاندا دۇنيەجۇزى قازاقتارى قاۋىمداستىعى جاعىنان، ق ر مەملەكەتتىك تاپسىرىسىمەن «التايدىڭ اقيىقتارى» تاريحي رومانى مەن «اتا زامان سويلەيدى» تاريحي پوۆەستەر جيناعى جارىق كورگەن. قازاقستان وقىرماندارىنا دا تانىمال قالامگەر .
ريزابەك نۇسىپبەك ۇلى
