الماتىدا جاۋتىكوۆ اتىنداعى وليمپيادا باستالدى

الماتىدا جاۋتىكوۆ اتىنداعى ⅩⅩ حالىقارالىق وليمپيادا سالتاناتتى تۇردە اشىلدى. وعان قازاقستان، ازەربايجان، ارمەنيا، بەلارۋس، رەسەي، قىرعىزستان، وزبەكستان، بولگاريا، تاجىكستان، موڭعوليا، گرۋزيا، سەربيا، ءۇندىستان جانە رۋمىنيا سىندى الەمنىڭ 14 ەلىنەن 55 كوماندا كەلدى، دەپ حابارلايدى Kazinform.

وليپيادا ءۇش جىل قاتارىنان ونلاين فورماتتا وتسە، بيىل وفلاين فورماتتا وتەدى. وليمپيادا اياسىندا ءداستۇرلى تۇردە فيزيكا-ماتەماتيكالىق باعىتتاعى مامانداندىرىلعان مەكتەپتەر اراسىندا ءۇش ءپان بويىنشا بايقاۋ ۇيىمداستىرىلادى. باسقا حالىقارالىق وليمپيادادان ەرەكشەلىگى وسىندا جانە جاستاردىڭ زياتكەرلىك الەۋەتىن دامىتۋ ءۇشىن وسى عىلىمي پاندەردىڭ ماڭىزىن كورسەتەدى.

«جاۋتىكوۆ اتىنداعى وليمپيادانىڭ اۋقىمى مەن كەڭىنەن تانىلۋى الماتى ءۇشىن ماڭىزدى وقيعاعا اينالدى. مىقتى فيزيكا-ماتەماتيكا مەكتەبىمەن تانىمال قالامىزدىڭ وقۋشىلارىنىڭ جەڭىسى مەن جەتىستىگىن ماقتان تۇتامىز. جاۋتىكوۆ وليمپياداسىنىڭ جەڭىمپازدارى مەن جۇلدەگەرلەرى قازاقستان مەن شەتەلدەردە زور جەتىستىككە قول جەتكىزىپ كەلەدى. ولار MIT ،KAIST، يەل، كەمبريدج سىندى الەمدەگى ەڭ بەدەلدى ۋنيۆەرسيتەتتەردىڭ ستۋدەنتتەرى»، - دەدى الماتى اكىمى ەربولات دوسايەۆ وليمپيادانىڭ اشىلۋ سالتاناتىندا.

جارىس ەكى كەزەڭنەن تۇرادى - تەوريالىق جانە تاجىريبەلىك. قاتىسۋشىلار تاپسىرمالار ورىندايدى. وليمپيادانىڭ قورىتىندىسى ءار ءپان بويىنشا جەكە ەسەپتە شىعارىلادى.

وليمپيادانىڭ جەڭىمپازدارى مەن جۇلدەگەرلەرىنە باعالى سىيلىقتار مەن ءبىلىم بەرۋ گرانتتارى قاراستىرىلعان.

ايتا كەتەيىك، جارىس 8-13- قاڭتارى ارالىعىندا وتەدى.