الماتىدا جاس ءوسپىرىمدى قاعىپ، قاشىپ كەتكەن جۇرگىزۋشى ۇستالدى
الماتى پوليتسياسى جاس ءوسپىرىمدى قاعىپ، وقيعا ورنىنان قاشىپ كەتكەن جۇرگىزۋشىنى ۇستادى، دەپ حابارلايدى Kazinform.
پوليتسيا دەپارتامەنتىنىڭ مالىمەتىنشە، قايعىلى وقيعا قالقامان شاعىن اۋدانىندا بولعان. جاياۋ جۇرگىنشىلەر وتكەلىندە گاز-53 كولىگىن باسقارعان ازامات جاس ءوسپىرىمدى قاعىپ، قاشىپ كەتكەن. بالا وقيعا ورنىندا كوز جۇمدى.
«ءبىر تاۋلىكتەن كەيىن جۇرگىزۋشى الماتى وبلىسىندا الكوگول جانە ەسىرتكىگە ماساڭ كۇيدە ۇستالدى. كولىك جاقىن ماڭداعى كوشەدەن تابىلدى. ول جول اپاتىنان كەيىن ونى تاستاپ، جاياۋ قاشىپ كەتكەن. تەكسەرۋ بارىسىندا جۇرگىزۋشى 2020 -جىلى 7 جىلعا كولىك قۇرالىن باسقارۋ قۇقىعىنان ايىرىلعانى بەلگىلى بولدى. قازىر ول قاماۋدا. اتالعان دەرەك ق ر ق ك-نىڭ 345-بابى 3-بولىگى جانە ق ر ق ك-نىڭ 347-بابى بويىنشا تەرگەۋ امالدارى جۇرگىزىلىپ جاتىر»، - دەدى الماتى قالاسى پ د ج پ ق ب ىزدەستىرۋ ءبولىمىنىڭ باستىعى قايسار تولەبەكوۆ.
ق ر ق ك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
«ق ر كونستيتۋتسياسىنىڭ 77-بابى 3-ءبولىمى 1-تارماعى، ق ر ق ك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى»، - دەپ اتاپ ءوتتى پوليتسيا وكىلى.
