الماتىدا جانار- جاعارماي تيەگەن جۇك كولىگى ورتەندى

الماتىدا جانار- جاعارماي تيەگەن جۇك كولىگى ورتەندى. جۇرگىزۋشى جانارماي قۇيۋ ستانتسياسىنان كولىكتى قاۋىپسىز ورىنعا سۇيرەپ ۇلگەرگەن، دەپ حابارلايدى قازاقپارات ءتىلشىسى.

көлік өртенді
Фото: Фото: видеодан алынған пікір

ونىڭ ۆيدەوسى الەۋمەتتىك جەلىدە تارادى.

الماتى قالالىق توتەنشە جاعدايلار دەپارتامەنتى وكىلدەرىنىڭ حابارلاۋىنشا، ءورت تۇسكى ساعات 11:14 تە شىققان.

«ءورت ءسوندىرۋ قىزمەتىنىڭ كەزەكشى بولىمىنە تۇركسىب اۋدانى بۇرىنداي كوشەسى، 79 ۆ ءۇيدىڭ جانىدا ءورت شىققانى تۋرالى حابار ءتۇستى. ءورت سوندىرۋشىلەر قۇرامىندا 13 ادام، 2 تەحنيكامەن وقيعا ورنىنا جەتكەندە گاز 47-532112 جۇك اۆتوكولىگى اشىق جالىنمەن جانىپ جاتتى. جانعان اۆتوكولىكتىڭ جۇرگىزۋشىسى جانارماي قۇيۋ ستانتسياسىنان كولىكتى قاۋىپسىز ورىنعا سۇيرەپ ۇلگەرگەن»، - دەپ حابارلادى ۆەدومستۆودان.

ءورت سوندىرۋشىلەر جانىپ جاتقان كولىكتەن سەگىز بوشكەنى ەۆاكۋاتسيالادى، ونىڭ ۇشەۋى جانارمايعا تولى بولعان.

«ءورت سوندىرۋگە جانە قىزعان قۇرىلىمداردى سالقىنداتۋعا قۇرامىندا كوبىگى بار ءورت وقپاندارىن ەنگىزىپ، قىزىل جالىن 11:35 تە ءسوندىرىلدى» - دەپ اتاپ ءوتتى دەپارتامەنتتەن.

سوڭعى جاڭالىقتار