21:21, 31 - قاڭتار 2025 | GMT +5
الماتىدا جاڭا تۋعان ءسابيىن تاستاپ كەتكەن ايەل ۇستالدى
الماتى. KAZINFORM - الماتىدا جاڭا تۋعان ءسابيىن ءۇيدىڭ كىرەبەرىسىنە تاستاپ كەتكەن انا تابىلدى.
- جەدەل-ىزدەستىرۋ شارالارىنىڭ ناتيجەسىندە جاڭا تۋعان قىز بالانىڭ اناسى كىم ەكەنى انىقتالدى. ول ۇستالدى جانە مەديتسينالىق كومەك الۋ ءۇشىن قالالىق اۋرۋحانالاردىڭ بىرىنە جاتقىزىلدى. قاۋىپتى جاعدايدا بالانى تاستاپ كەتۋ دەرەگى بويىنشا قىلمىستىق ءىس قوزعالدى. وقيعانىڭ سەبەبى مەن ءمان-جايى انىقتالىپ جاتىر، - دەدى تۇركسىب اۋداندىق پوليتسيا باسقارماسىنىڭ باستىعى دۋمان اۋحاديەۆ.
ەسكە سالايىق، جەرگىلىكتى تۇرعىندار چەرنىشيەۆسكي كوشەسىندەگى ۇيلەردىڭ ءبىرىنىڭ كىرەبەرىسىنەن نارەستەنى تاۋىپ العان بولاتىن.
«جەدەل جاردەم» قىزمەتكەرلەرىنىڭ ايتۋىنشا، ءسابيدىڭ دۇنيەگە كەلگەنىنە 1-2 ساعات قانا بولعان.
