الماتىدا جاڭا اۆتوتۋننەل اشىلدى

الماتىدا بۇقتىرما كوشەسىنىڭ بويىندا تۋننەل ارقىلى اۆتوكولىكتەر جۇرە باستادى، دەپ حابارلايدى قازاقپارات ءتىلشىسى.

туннель
Фото: Фото: ҚазАқпарат

الماتىدا بۇقتىرما كوشەسى مەن قۇلجا تاس جولىنىڭ قيىلىسىنداعى جولايىرىقتا، دالىرەك ايتقاندا، بۇقتىرما كوشەسى بويىندا 4 جولاقتى اۆتوتۋننەل اشىلدى.

الماتى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ اتاپ وتكەندەي، 2018-جىلى اۆتوكولىك قوزعالىسىن جاقسارتۋ مەن جۇكتەمەسىن ازايتۋ ماقساتىندا بۇقتىرما كوشەسى مەن قۇلجا تاس جولىنىڭ قيىلىسىندا جولايرىقتى سالۋ بويىنشا جوبالاۋ سمەتالىق جۇمىستارى باستالعان.

«2019-جىلى اۆتوكولىك جولايرىعىن سالۋدى باستادىق. جوبانىڭ قۇنى 22 ميلليارد تەڭگەنى قۇرايدى. جولايرىق نەگىزگى ءۇش قۇرىلىمنان تۇرادى. ەڭ نەگىزگى قۇرىلىم ول ەستاكادا. ول ەڭ جوعارعى قاباتتا ورنالاسقان، التى جولاقتى، ۇزىندىعى 500 مەتردەن اسادى. ودان كەيىن جەر دەڭگەيىندە اينالما جول، ءۇشىنشى دەڭگەيدە تۋننەل ورنالاسقان. تۋننەل بۇقتىرما كوشەسى بويىندا ورنالاستى. ونىڭ ماقساتى بۇقتىرما كوشەسى مەن تالعار كۇرە جولىن جالعاۋعا ارنالعان. ول ءتورت جولاقتى، ۇزىندىعى 830 مەتردى قۇرايدى.

جالپى نىساندى قازان ايىنىڭ سوڭىندا پايدالانۋعا بەرىلەدى دەپ جوسپارلاندى. ەگەر دە قۇرىلىس جۇمىستارى بىتكەن سوڭ، قانداي دا ءبىر اقاۋلار شىعىپ جاتسا، ولاردى قۇرىلىستى جۇرگىزگەن مەردىگەردىڭ قاراجاتى ەسەبىنەن جونەلەتىن بولادى»، - دەدى ساعىندىق تەلىبايەۆ.

ونىڭ ايتۋىنشا، الماتىدا قازىرگى ۋاقىتتا ءۇش اۆتوكولىك جولايرىعى سالىنىپ جاتىر.

«ونىڭ ءبىرى وسى جەردە ياعني بۇقتىرما كوشەسى - قۇلجا تاس جولىنىڭ قيىلىسىندا، ەكىنشىسى الاتاۋ اۋدانىندا موڭكە ءبي - سايىن كوشەلەرى قيىلىسىندا، ءۇشىنشىسى سەيفۋللين - جانسۇگىروۆ كوشەلەرى قيىلىسىندا سالىنىپ جاتىر»، - دەدى سپيكەر.

قۇرىلىس جۇرگىزۋشى مەردىگەر كومپانيانىڭ وكىلى، BAZIS CONSTRUCTION كومپانياسىنىڭ ينفراقۇرىلىم جوبالار بويىنشا ۆيتسە-پرەزيدەنتى حۋرام مۋرادوۆ جۇمىستار قالالىق موبيلدىلىك باسقارماسىمەن جاساسقان كەلىسىمشارتقا سايكەس ءجۇرىر جاتقانىن ايتتى.

«قۇرىلىس جۇمىستارى 2019-جىلى باستالعان. بۇگىنگە دەيىن اۋقىمدى جۇمىستار ىستەلدى. اتاپ ايتقاندا، جوبادا 110 كۋب مەتر مونوليتتى بەتون جۇمىستارى، كوممۋنيكاتسيانى قايتا ورنالاستىرۋ، بايلانىس جەلىلەرىن تارتۋ، ماگيسترالدى سۋ قۇبىرىن سالۋ جانە باسقا دا جۇمىستار جاسالدى. 8 مىڭ توننادان استام مەتالل، ارماتۋرالار قويىلدى. قاراما-قارسى باعىتتا، ياعني، قالاعا كىرەتىن جانە قالادان شىعاتىن ەكى ەستاكادا سالىندى. ول ەستاكادادان تاۋلىگىنە 50 مىڭنان استام كولىك وتەدى. جالپى جولايرىق ارقىلى تاۋلىگىنە 60 مىڭنان استام كولىك وتەتىن بولادى. سونداي-اق، ەستاكادا مەن تۋننەل تولىق جارىقتاندىرىلدى. ودان بولەك، جوبا بويىنشا كوگالداندىرۋ جۇمىستارى قاراستىرىلعان، ياعني، قازىرگى تاڭدا 60 مىڭ شارشى مەتر وسىمدىك پەن 200 ءارتۇرلى اعاشتى وتىرعىزۋ جۇمىستارى ءجۇرىپ جاتىر. ول جۇمىستار بىتۋگە جاقىن»، - دەدى مەردىگەر وكىلى.

سوڭعى جاڭالىقتار