الماتىدا حالىقتىڭ الەۋمەتتىك وسال توپتارىنا قانداي كومەك تۇرلەرى بار

الماتى. KAZINFORM - الماتىدا حالىقتىڭ الەۋمەتتىك وسال توپتارىن قولداۋ ءۇشىن الەۋمەتتىك كومەكتىڭ 17 ءتۇرى قاراستىرىلعان.

Алматыда халықтың әлеуметтік осал топтарына қандай көмек түрлері бар
Фото: Алматы әкімдігі

ولاردىڭ ىشىندە - اتاۋلى الەۋمەتتىك كومەك (ا ا ك)، تۇرعىن ءۇي كومەگى، ۇ و س ارداگەرلەرىنە جانە ازاماتتاردىڭ باسقا دا ساناتتارىنا الەۋمەتتىك كومەك، كوممۋنالدىق قىزمەتتەرگە تاريفتەردىڭ كوتەرىلۋىنە بايلانىستى الەۋمەتتىك كومەك، مۇگەدەك بالالاردى ۇيدە وقىتقانى ءۇشىن شىعىنداردى وتەۋ، اتاۋلى كۇندەر مەن مەرەكە كۇندەرىنە تولەمدەر جانە وزگە دە ءبىرجولعى الەۋمەتتىك تولەمدەر بار.

الماتى قالاسى جۇمىسپەن قامتۋ جانە الەۋمەتتىك باعدارلامار باسقارماسىنىڭ مالىمەتىنە سايكەس، 2024-جىلى 14,8 مىڭ ادامعا جالپى سوماسى 1,6 ميلليارد تەڭگە كولەمىندە اتاۋلى الەۋمەتتىك كومەك كورسەتىلدى. تۇرعىن ءۇي كومەگى 741 ازاماتقا 17,3 ميلليون تەڭگە سوماسىندا بەرىلدى.

- كوممۋنالدىق قىزمەتتەر تاريفتەرىنىڭ وسۋىنە بايلانىستى ازاماتتاردى قولداۋ جەكە باعىت بولدى. «ينۆەستيتسيالارعا ايىرباستاۋ تاريفى» باعدارلاماسى اياسىندا حالىقتىڭ الەۋمەتتىك وسال توپتارىنىڭ ىشىنەن 141 مىڭنان استام ادام اي سايىن 0,8 ا ە ك مولشەرىندە تولەم الدى، بۇل 4 ميلليارد تەڭگەدەن استام سوما، - دەپ حابارلادى باسقارمادان.

وسى جىلدىڭ 1-قاڭتارىنان باستاپ مەملەكەتتىك جاردەماقىلار مەن بازالىق زەينەتاقىنىڭ بارلىق ءتۇرىنىڭ مولشەرى %6,5 عا ۇلعايتىلعان، سونداي-اق كومەكتىڭ جاڭا ءتۇرى ەنگىزىلدى. مىسالى، باسقا مەملەكەتتەردىڭ اۋماعىنداعى اسكەري ءىس قيمىلداردىڭ ارداگەرلەرى ءۇشىن اۋعانستاننان اسكەرلەردى شىعارۋ كۇنىنە 100 مىڭ تەڭگەدەن جاڭا تولەم ەنگىزىلدى.

ەسكە سالايىق، بۇعان دەيىن الماتىدا 250 مىڭنان استام زەينەتكەر تۇراتىنىن جازعانبىز.

سوڭعى جاڭالىقتار