الماتىدا كۇيشى قىزىرحان باباقۇمار ۇلىنىڭ شىعارماشىلىق كەشى وتەدى

Қызырхан Бабақұмарұлы
Фото: Бейсен Сұлтан

استانا. KAZINFORM - الماتى قالاسىنداعى جامبىل اتىنداعى قازاق مەملەكەتتىك فيلورمونياسىنىڭ كونسەرت زالىندا، كۇيشى، كومپوزيتور، «قازاق مادەنيەتىنىڭ قايراتكەرى»، «حالىق كۇيشىسى» توسبەلگىسىنىڭ يەگەرى قىزىرحان باباقۇمار ۇلى «التايدان الاتاۋعا كۇي بولىپ توگىلدىم!» اتتى شىعارماشىلىق كەشى 21-قاڭتار كۇنى ساعات 18:00 دە وتەدى.

اتالعان كەشتە «قازاقستاننىڭ ەڭبەك سىڭىرگەن قايراتكەرى» ، كۇيشى ءشامىل ابىلتايەۆ، «ق ر مادەنيەت قايراتكەرى»، كۇيشى مۇرات ءابۋعازى، «ق ر مادەنيەت سالاسىنىڭ ۇزدىگى»، قۇرمانعازى اتىنداعى قازاق ۇلتتىق كونسەرۆاتورياسىنىڭ دوتسەنتى، كۇيشى قۋانىش جۇماعالي، قۇرمانعازى اتىنداعى رەسپۋبليكالىق كونكۋرستىڭ لاۋرەاتى، كۇيشى نۇرلان تۇمەنبايەۆ، ق ر مادەنيەت سالاسىنىڭ ۇزدىگى، ءانشى تالعات ءابۋعازى قاتارلى كۇيشى، انشىلەر ونەر كورسەتەدى.

سونىمەن قاتار قىزىرحان باباقۇمار ۇلىنىڭ شىعارماشىلىق كەشىنە ن. تىلەنديەۆ اتىنداعى «وتىرار سازى» فولكلورلىق-ەتنوگرافيالىق وركەسترى ارنايى قاتىسادى.

ايتا كەتەيىك، كۇيشى، كومپوزيتور، «حالىق كۇيشىسى» توسبەلگىسىنىڭ يەگەرى، «قازاق مادەنيەتىنىڭ قايراتكەرى» قىزىرحان باباقۇمار ۇلى 1959-جىلى قاراشا ايىندا ق ح ر- داعى التايدىڭ شەمىرشەك اۋىلىندا دۇنيەگە كەلگەن.

ق. باباقۇمار ۇلى «كۇي-كەرۋەن» دەگەن اتپەن 60 تان استام كۇيلەر توپتاستىرىلعان ەكى كۇي جيناعىنىڭ اۆتورى. ءوزىنىڭ جيىرمادان استام اۆتورلىق كۇيلەرى مەن بىرنەشە اندەرى بار. ق ر ۇلتتىق مۋزەي مۇراعاتىنا 50 ءدىڭ ۇستىندە كۇي، «دومبىرا» تەلەارناسىنا 17 كۇي، «شالقار» راديوسىنىڭ التىن قورىنا 40 تاي كۇيدى ەنگىزىپ، قازاق حالقىنىڭ رۋحاني قازىناسىنا ءوز ۇلەسىن قوسقان.

اۆتوربەيسەن سۇلتان

سوڭعى جاڭالىقتار