الماتىدا ءۇيسىز-كۇيسىز ادامداردى ۇرلاپ، نەسيە راسىمدەتكەن قىلمىستىق توپ قۇرىقتالدى

задержание
فوتو: Polisia.kz

استانا. KAZINFORM - الماتى قالاسىندا ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى بەلگىلى ءبىر تۇرعىلىقتى جەرى جوق ادامداردى ۇرلاۋمەن جانە زاڭسىز باس بوستاندىعىنان ايىرۋمەن اينالىسقان قىلمىستىق توپتىڭ قىزمەتىن توقتاتتى. بۇل تۋرالى Polisia.kz سايتى جازدى.

كۇدىكتىلەر جابىرلەنۋشىلەردى الداپ، ولارعا قايتارىمسىز نەسيە راسىمدەتكەن. ارنايى جالعا الىنعان كوتتەدجدە قاماۋدا ۇستالعان 29 ادام انىقتالدى. ولارعا كەلتىرىلگەن شىعىن 200 ميلليون تەڭگەدەن اسادى.

- سوتقا دەيىنگى تەرگەپ-تەكسەرۋ ناتيجەسى مەن جيناقتالعان دالەلدەمەلەر جيىنتىعى بويىنشا كۇدىكتىلەرگە قاتىستى ۇيىمداسقان قىلمىستىق توپ قۇرعانى، ونى باسقارىپ، قاتىسقانى ءۇشىن ەكى قىلمىستىق ءىس قوزعالدى. قىلمىستىق توپتىڭ بارلىق جەتى مۇشەسى ۇستالىپ، قاماققا الىندى. زاتتاي دالەلدەمەلەر تاركىلەنىپ، تەرگەۋ امالدارى جۇرگىزىلىپ جاتىر. باسقا دا اقپارات تەرگەۋ مۇددەسىندە جاريالانۋعا جاتپايدى، - دەدى دەپارتامەنت باستىعى - ءى ءى م رەسمي وكىلى شىڭعىس الەكەشيەۆ.

سوڭعى جاڭالىقتار