08:21, 09 - قاڭتار 2025 | GMT +5
الماتىدا ءىرى قويما ورتەندى
الماتى. KAZINFORM - الماتىنىڭ الاتاۋ اۋدانىندا ءبىر قاباتتى قويما ورتەندى.
الماتى قالاسى ت ج د باستىعىنىڭ ءبىرىنشى ورىنباسارى باعدات چايزادانىڭ ايتۋىنشا، 20:50 دە الاتاۋ اۋدانى شاريپوۆ 40ا مەكەنجايى بويىنشا ورنالاسقان قويمانى جالىن شارپىعانى تۋرالى قوڭىراۋ تۇسكەن جانە وقيعا ورنىنا ت ج د كۇشتەرى جىبەرىلگەن.
- وقيعا ورنىنا كەلگەن ءورت سوندىرۋشىلەر قاسىنداعى تيپوگرافياعا ءوتۋ قاۋپى بار ءبىر قاباتتى قويماداعى اشىق ءورتتى انىقتادى. قازىرگى ۋاقىتتا وقيعا ورنىنا 73 ادام جانە 23 تەحنيكا جۇمىلدىرىلدى. ءورت وقشاۋلاندى، - دەدى باعدات چايزادا.
ت ج د مالىمەتىنە سايكەس، زارداپ شەككەندەر تۋرالى اقپارات تۇسكەن جوق. وقيعانىڭ باسقا دا ءمان- جايلارى انىقتالىپ جاتىر.
