الماتىدا ءىلياس ەسەنبەرليننىڭ 110 جىلدىعىنا ارنالعان كورمە اشىلدى
الماتى. KAZINFORM – ق ر ۇلتتىق كىتاپحاناسىندا بەلگىلى قازاق جازۋشىسى، قازاق ك س ر مەملەكەتتىك سىيلىعىنىڭ لاۋرەاتى ءىلياس ەسەنبەرليننىڭ 110 جىلدىعىنا ارنالعان «ۇلتتىق رۋحتىڭ شىراعى» اتتى كىتاپ كورمەسى ۇيىمداستىرىلدى.
مادەنيەت جانە اقپارات مينيسترلىگىنىڭ مالىمەتىنشە، كورمە ماقساتى - ءىلياس ەسەنبەرليننىڭ شىعارماشىلىق مۇراسىن دارىپتەۋ، جازۋشىنىڭ قازاق ادەبيەتىنىڭ دامۋىنا قوسقان ۇلەسىن وقىرماندارعا تانىستىرۋ.
كورمەگە ۇلتتىق كىتاپحانا قورىنان 200 باسىلىم، سونىڭ ىشىندە 150 كىتاپ، 50 جۋرنال قويىلعان.
كىتاپ كورمەسى ءۇش بولىمنەن تۇرادى.
«ۇلى دالانىڭ داڭقتى ۇلى» اتتى ءبىرىنشى بولىمدە جازۋشىنىڭ ءومىرى مەن قىزمەتى تۋرالى ماتەريالدار: ەنتسيكلوپەديالار، بيبليوگرافيالىق انىقتامالار مەن ادەبيەتتەر ۇسىنىلعان.
«تاريحي رومان تابيعاتى» اتتى ەكىنشى بولىمدە ءى. ەسەنبەرليننىڭ شىعارمالارى، سونىڭ ىشىندە 10 تومدىق شىعارمالار جيناعى، «سۇلتان»، «ايشا»، «ادامگەرشىلىك جىرى»، «عاشىقتار»، «كوشپەندىلەر» تريلوگياسى ۇسىنىلعان.
«حالىق جۇرەگىندەگى قالامگەر» اتتى ءۇشىنشى بولىمدە ءى. ەسەنبەرليننىڭ شىعارماشىلىعى تۋرالى قازاقستاننىڭ بەلگىلى جازۋشىلارىنىڭ ەستەلىكتەرى، ادەبيەتتانۋشىلاردىڭ ەڭبەكتەرى قويىلعان.
كورمە 2025-جىلدىڭ 3-ساۋىرىنە دەيىن جالعاسادى.
الماتىنىڭ مەترو بەكەتتەرىندە كىتاپ اۆتوماتتارى ورناتىلاتىنىن جازعان بولاتىنبىز.
