الماتىدا ءۇش كۇندە ەكى مىڭعا جۋىق جەر ءدۇمپۋى تىركەلدى

Қазақстандық сейсмологтар Қытайда жер сілкінісін тіркеді
Фото: pexels.com

الماتى. KAZINFORM - سەيسميكالىق زەرتتەۋلەر ۇلتتىق عىلىمي ورتالىعىنىڭ ماماندارى ءۇش كۇن ىشىندە الماتى ماڭىندا ەكى مىڭعا جۋىق جەر ءدۇمپۋىن تىركەدى.

ۇلتتىق سەيسمولوگيالىق باقىلاۋ جانە زەرتتەۋلەر عىلىمي ورتالىعىنىڭ سەيسمولوگيالىق وبسەرۆاتوريا باسشىسى جانسايا دوسىمبەكوۆانىڭ ايتۋىنشا، وسىدان ءۇش كۇن بۇرىن قىتاي مەن قىرعىزستان شەكاراسىندا بولعان جەر سىلكىنىسىنەن كەيىن ەلدە ءالسىن-ءالسىن جەر ءدۇمپۋى ءالى جالعاسىپ جاتىر.

«قازىرگى تاڭدا 2 مىڭعا جۋىق ءالسىز جەر سىلكىنىستەرى تىركەلدى. ونىڭ 10 ىن الماتىلىقتار سەزىندى. جەر ءدۇمپۋى 2-3 بال دەڭگەيىندە بولدى. سوڭعىسى تۇنگى ساعات ەكىلەر شاماسىندا تىركەلدى»، - دەيدى مامان.

سپيكەردىڭ سوزىنشە، بۇل دۇمپۋلەر قاۋىپ توندىرمەيدى.

«سەبەبى مۇنداي جەر سىلكىنىسىنەن كەيىن ءالسىز دۇمپۋلەر مىندەتتى تۇردە بولىپ تۇرادى. ول جىلدار بويى سوزىلۋى مۇمكىن. سوندىقتان تۇرعىندارعا قورقۋىعا نەگىز جوق»، - دەدى ول.

ەسكە سالايىق، 23- قاڭتار تۇندە الماتىدا 5 بال دەڭگەيىندە جەر سىلكىندى. الماتىلىقتاردىڭ ايتۋىنشا، جەراستى ءدۇمپۋى وسى جولى قاتتى سەزىلدى. ۇزاق ۋاقىت بويى شايقالعان. تۇرىعىندار ۇرەيلەنىپ، ۇيىنەن كوشەگە، دالاعا شىقتى.

سوڭعى جاڭالىقتار