الماتىدا ءبىر مەكتەپ قىزىلشاعا بايلانىستى قاشىقتان وقۋعا كوشتى

الماتىدا №172 مەكتەپتىڭ باستاۋىش سىنىپ وقۋشىلارى اراسىندا قىزىلشا اۋرۋى انىقتالدى، دەپ حابارلايدى قازاقپارات ءتىلشىسى.

қызылша
Фото: Фото: iStock

الماتى قالالىق ءبىلىم باسقارماسىنىڭ مالىمەتىنشە، 20-قىركۇيەك كۇنى مەدەۋ اۋدانى، سانيتارلىق- ەپيدەميولوگيالىق ءبولىمىنىڭ ماماندارى «قىزىلشا» ينفەكتسياسىن جۇقتىرۋ فاكتىلەرىنىڭ انىقتالۋىنا بايلانىستى باستاۋىش سىنىپ وقۋشىلارىن ينكۋباتسيالىق كەزەڭنىڭ سوڭىنا دەيىن، ياعني، 2023 -جىلدىڭ 16-قازانىنا دەيىن قاشىقتان وقۋعا كوشىرۋ ۇسىنىلدى.

«№172 مەكتەپ ديرەكتورى ۇسىنىستاردى ەسكەرىپ، ينفەكسيانىڭ ودان ءارى تارالۋىنا جول بەرمەۋ ءۇشىن بارلىق باستاۋىش سىنىپ وقۋشىلارىن (1-4) ينكۋباتسيالىق كەزەڭنىڭ سوڭىنا دەيىن ونلاين وقىتۋعا كوشىرۋ تۋرالى شەشىم قابىلدادى. مۇعالىمدەر مەن اتا- انالار اراسىندا ءتۇسىندىرۋ جۇمىستارى جۇرگىزىلدى. بالالار قاجەتتى كومپيۋتەرلىك تەحنيكامەن جانە ينتەرنەت رەسۋرستارىمەن قامتاماسىز ەتىلدى»، - دەپ حابارلادى باسقارمادان.

قالالىق اكىمدىك وكىلدەرى، مەگاپوليستەگى قالعان بارلىق مەكتەپتە ەپيدەميولوگيالىق جاعداي تۇراقتى جانە ەپيدەميولوگتاردىڭ باقىلاۋىندا ەكەنىن اتاپ ءوتتى.

الماتى قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتى بويىنشا، بالالار اراسىندا اۋرۋعا شالدىعۋ كورسەتكىشى نەگىزىنەن ەكپە الماعاندار اراسىندا تىركەلەدى. پروفيلاكتيكالىق جانە ەپيدەمياعا قارسى ءىس- شارالاردى سانيتارلىق- ەپيدەميولوگيالىق قىزمەت ماماندارى جۇرگىزەدى.

سوڭعى جاڭالىقتار