الماتىدا بەينەباقىلاۋ جۇيەسىنىڭ ارقاسىندا قىلمىس ازايدى
الماتى. KAZINFORM - جىل باسىنان بەرى الماتى قالاسىندا قىلمىس دەڭگەيى %10-15 عا تومەندەدى.
قالالىق پوليتسيا دەپارتامەنتىنىڭ مالىمەتىنشە، قۇقىق بۇزۋشىلىقتىڭ باسىم بولىگى قالانىڭ ءار جەرىنە ورناتىلعان 150 مىڭعا جۋىق بەينەباقىلاۋ كامەرالارىنىڭ كومەگىمەن اشىلعان. تسيفرلىق قۇرالدار وقيعالارعا جەدەل ارەكەت ەتۋگە جانە قىلمىستىڭ الدىن الۋعا مۇمكىندىك بەرەدى.
كۇن سايىن پوليتسيا قىزمەتكەرلەرى قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ ءۇشىن قالانىڭ كوشەلەرىندە قىزمەت اتقارادى.
الماتى قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى سەرىك شۋمايەۆتىڭ سوزىنشە، قىلمىستاردى اشۋمەن قاتار پروفيلاكتيكالىق رەيدتەر، ءتۇسىندىرۋ جۇمىستارى جانە قوعامدىق ورىندار مەن جولداردا ءتارتىپتى باقىلاۋ شارالارى تۇراقتى تۇردە جۇرگىزىلەدى.
- جىل باسىنان بەرى پاترۋلدىك پوليتسيا قىزمەتكەرلەرى 2000-نان استام قىلمىستىق قۇقىق بۇزۋشىلىقتى اشۋعا قاتىستى. قالادا قىلمىس دەڭگەيى %10-15 عا تومەندەدى. الداعى تاۋەلسىزدىك كۇنى مەن جاڭا جىل مەرەكەلەرى قارساڭىندا پاترۋلدىك پوليتسيا گارنيزونى مەن پوليتسيا دەپارتامەنتى كۇشەيتىلگەن جۇمىس رەجيمىنە كوشىرىلەدى، - دەدى سەرىك شۋمايەۆ.
الما مۇقانوۆا
