الماتىدا بەيبىت ميتينگ وتكىزىلەتىن ورىن وزگەرۋى مۇمكىن

الماتى. KAZINFORM - الماتى قالاسىنداعى بەيبىت جينالىستاردى ۇيىمداستىرۋ جانە وتكىزۋ ءۇشىن بەلگىلەنگەن ارنايى ورىن وزگەرۋى مۇمكىن.

اشىق ن ق ا سايتىندا الماتى قالاسى ءماسليحاتىنىڭ «الماتى قالاسىنداعى بەيبىت جينالىستاردى ۇيىمداستىرۋ جانە وتكىزۋ ءۇشىن ارنايى ورىنداردى، سونداي-اق ارنايى ورىنداردى پايدالانۋ ءتارتىبىن ايقىنداۋ تۋرالى» 2020 -جىلعى 23-ماۋسىمداعى №462-شەشىمىنە وزگەرىس ەنگىزۋ تۋرالى ۇسىنىس ورنالاستىرىلعان.

جوبا 24-شىلدەگە دەيىن اشىق نقا سايتىندا اشىق تالقىلاۋدا بولادى. ول بويىنشا بەيبىت شەرۋلەرگە ارنالعان ايماقتى شوقان ءۋاليحانوۆ اتىنداعى سكۆەردەن (1000 ادامعا ارنالعان) امانگەلدى يمانوۆ اتىنداعى سكۆەرگە (500 ادامعا ارنالعان) كوشىرۋ ۇسىنىلادى.

سونداي-اق شيەۆچەنكو كوشەسىمەن وتەتىن قولدانىستاعى شەرۋ مارشرۋتى گاگارين داڭعىلى مەن مۇقانوۆ كوشەسى اراسىنداعى جامبىل كوشەسىنىڭ بويىنداعى جاڭا مارشرۋتقا اۋىستىرىلادى.

جوبا بويىنشا «سارى-ارقا» كينوتەاترىنىڭ ارتىنداعى الاڭنىڭ سىيىمدىلىعىن 500 دەن 1000 ادامعا دەيىن وزگەرتۋ جوسپارلانعان.

اۆتور
دوسبول اتاجان