الماتىدا باراحولكا بازارى ورتەنىپ جاتىر

الماتى. KAZINFORM - الماتىدا باراحولكا بازارىنداعى قويمادان ءورت شىقتى.

17- اقپان ساعات 10:40 تا الماتى قالاسى ت ج د كۇش-قۇرالدارى جەتىسۋ اۋدانى كوكمايسا، 27 مەكەنجايىنا اتتانعان.

الدىن الا مالىمەت بويىنشا، قويمانىڭ توبەسى جانعان.

جاقىن ورنالاسقان اكىمشىلىك عيماراتتى قورعاۋ ءۇشىن ءورت وقپاندارى قويىلدى.

جەدەل شتاب قۇرىلدى، ءورت ەكى ۋچاسكەدە ءسوندىرىلىپ جاتىر.

جەكە اۆتوتەحنيكا كەدەرگى جاسادى، ءوزارا ءىس-قيمىل قىزمەتتەرى نىساندى توكتان اجىراتۋ ۇستىندە.

«وقيعا ورنىندا جەكە قۇرام قاۋىپسىزدىك تەحنيكاسىن ساقتاي وتىرىپ ءسوندىرىپ جاتىر. ويتكەنى قويمادا جارىلعىش زاتتار بار. جۇمىستى سول قيىنداتىپ تۇر. قالا بويىنشا جاعداي بەينەباقىلاۋ ارقىلى تجد باقىلاۋىندا» دەپ حابارلادى ۆەدومستۆودان.

ءورتتى سوندىرۋگە 92 مامان مەن 25 تەحنيكا جۇمىلدىرىلعان.