15:29, 05 - اقپان 2024 | GMT +6
الماتىدا ايەلگە وق اتقان كۇدىكتىلەر ۇستالدى
الماتى. KAZINFORM - مەگاپوليستە ەر ادام ايەلگە وق اتتى. وسى دەرەككە قاتىستى الماتى پوليتسياسى تۇسىنىك بەردى.
وقيعا ورنىنان تۇسىرىلگەن ۆيدەو Telegram ارنالارىنىڭ بىرىندە تارادى.
«ءۇيدىڭ كىرەبەرىسىندە كورشىمىزدىڭ بۇرىنعى كۇيەۋى وعان وق اتتى. مىنا جەردە ەكى وق جاتىر»- دەدى ۆيدەو اۆتورى.
الماتى قالالىق پوليتسيا دەپارتامەنتى بۇل قىلمىستىڭ ءىزى سۋىماي اشىلعانىن ءمالىم ەتتى.
«كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. قازىر سوتقا دەيىنگى تەرگەۋ امالدارى ءجۇرىپ جاتىر. ق ر قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس، وزگە مالىمەتتەر جاريا ەتۋگە جاتپايدى»، - دەپ حابارلادى پوليتسيا دەپارتامەنتىنەن.
