الماتىدا ايالداماداعى اپاتتان زارداپ شەككەندەردىڭ جاعدايى بەلگىلى بولدى

الماتىلىق دارىگەرلەر بۇگىن ايالدامادا بولعان اپاتتان زارداپ شەككەن ادامداردىڭ جاعدايىن ايتتى، دەپ حابارلايدى قازاقپارات ءتىلشىسى.

«اپات سالدارىنان 7 ادام زارداپ شەكتى. جەدەل مەديتسينالىق قىزمەت كەلگەنشە ۇشەۋى قايتىس بولدى.

ءۇش ەرەسەك ادامعا جابىق باس سۇيەك-مي جاراقاتى، مي شايقالۋى، بىرەۋىنە سول جاق جامباس سۇيەگىنىڭ سىنىعى دياگنوزى قويىلىپ 7№ قالالىق كلينيكالىق اۋرۋحاناعا جاتقىزىلدى. ءتورتىنشى زارداپ شەككەن 15 جاستاعى بالا سول تابان سۇيەكتەرىنىڭ سىنۋى دياگنوزىمەن 2№ قالالىق بالالار كلينيكالىق اۋرۋحاناسىنا جاتقىزىلدى. اۆتوبۋستى جۇرگىزگەن ايەلدىڭ جابىق باسسۇيەك-مي جاراقاتى، مي شايقالۋى دياگنوزى قويىلدى. زارداپ شەككەندەرگە پسيحولوگيالىق كومەك پەن بارلىق قاجەتتى مەديتسينالىق كومەك تولىق كولەمدە كورسەتىلىپ جاتىر»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىندا.

ەسكە سالايىق، بۇگىن الماتىدا اۆتوبۋس ءبىر توپ ادامدى قاعىپ كەتتى. پوليتسيانىڭ مالىمەتىنشە، بۇگىن كەشكى ساعات 18:15 مينۋتتا 47-باعىتتاعى قوعامدىق كولىكتىڭ ىشىندەگى جولاۋشى جانجال شىعارىپ، جۇرگىزۋشى ايەلدى ۇرعان. سالدارىنان ول ەسىنەن تانىپ، كولىكتى باسقارا الماي قالعان.