الماتىدا اۆتوبۋس جۇرگىزۋشىلەرى جولاۋشالاردان وقشاۋلانادى

  الماتى. KAZINFORM -الماتى اۆتوبۋستارىندا جۇرگىزۋشى وتىراتىن جەر قورشالاتىن بولادى.

«دابىل تۇيمەسىنە كەلەر بولساق، بىزگە ۇسىنىس ءتۇستى. قازىر تەحنيكالىق مۇمكىندىكتەر قاراستىرىلىپ جاتىر، ەگەر بولاشاقتا مۇنى جاساۋعا مۇمكىندىك بولسا، ارينە، ىسكە اسىرامىز. بۇل ماسەلە ءالى دە تالقىلانۋدا. سونداي- اق قازىر جاڭا اۆتوبۋستار ساتىپ الىنىپ جاتىر، جۇرگىزۋشى مەن جولاۋشى اراسىنا قالقا ورناتۋدى جوسپارلاپ وتىرمىز»،- دەپ جاۋاپ بەردى قالالىق موبيلدىلىك باسقارماسىنىڭ باسشىسى ساعىندىق تەلىبايەۆ جۋرناليستەرمەن كەزدەسۋ بارىسىندا.

باسقارما باسشىسى بۇل ماسەلەلەر 2023 -جىلدىڭ جەلتوقسانىندا بولعان اپاتتان كەيىن قاراستىرىلا باستاعانىن اتاپ ءوتتى.

ەسكە سالايىق، بىلتىر جەلتوقسان ايىنىڭ سوڭىندا اۆتوبۋس ءبىر توپ ادامدى قاققان ەدى.

پوليتسيانىڭ مالىمەتىنشە، №47- باعىتتاعى قوعامدىق كولىكتىڭ ىشىندەگى جولاۋشى جانجال شىعارىپ، جۇرگىزۋشى ايەلدى ۇرعان. سالدارىنان ول ەسىنەن تانىپ، كولىكتى باسقارا الماي قالعان.

اپات سالدارىنان 7 ادام زارداپ شەكتى. جەدەل مەديتسينالىق قىزمەت كەلگەنشە ۇشەۋى قايتىس بولدى.