الماتىدا اۆتوبۋس ايالدامادا تۇرعان ءبىر توپ ادامدى قاعىپ كەتتى، قازا تاپقاندار بار
الماتىدا اۆتوبۋس ءبىر توپ ادامدى قاعىپ كەتتى. پوليتسيا وقيعاعا قاتىستى تۇسىنىك بەردى، دەپ حابارلايدى Kazinform.
الماتى قالالىق پوليتسيا دەپارتامەنتى ءمالىم ەتكەندەي، كەشە كەشكى ساعات 18:15 مينۋتتا 47- باعىتتاعى قوعامدىق كولىكتىڭ ىشىندەگى جولاۋشى جانجال شىعارىپ، جۇرگىزۋشى ايەلدى ۇرعان. سالدارىنان ول ەسىنەن تانىپ، كولىكتى باسقارا الماي قالعان.
«باقىلاۋدان شىعىپ كەتكەن اۆتوبۋس ايالدامادا تۇرعان ادامداردى قاعىپ، ءتورت كولىكپەن سوقتىعىستى. وقيعا سالدارىنان ءۇش ادام قازا تاپتى. 4 ادام ءتۇرلى دەنە جاراقاتتارىمەن اۋرۋحاناعا جەتكىزىلدى. قوعامدىق كولىك جۇرگىزۋشىسىن ۇرعان ەر ادام ۇستالدى. اتالعان دەرەك ق ر ق ك- ءنىڭ 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ساراپتاما تاعايىندالدى. وقيعانىڭ باسقا دا ءمان-جايلارى انىقتالۋدا»، - دەپ حابارلادى الماتى قالالىق پ د باسپا ءسوز قىزمەتىنەن.
