الماتىدا اۆتوبۋس ايالداماعا سوعىلىپ، ءبىر ايەل جاپا شەكتى
الماتىدا رولگە يە بولا الماعان اۆتوبۋس جۇرگىزۋشىسى ايالداماعا سوعىلدى، دەپ حابارلايدى Kazinform.
الەۋمەتتىك جەلىگە شىققان ۆيدەودا 11-جەلتوقسان كۇنى اقان سەرى كوشەسىمەن كەلە جاتقان №73-اۆتوبۋستىڭ ايالداماعا سوعىلعانى جازىلعان.
الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ مالىمەتىنشە، جول اپاتى 11-جەلتوقسان ساعات 20:28-دە تۇركسىب اۋدانىندا بولعان.
«Golden Dragon ماركالى اۆتوبۋستى جۇرگىزگەن 1991 -جىلعى ك. ەسىمدى ازامات اقان سەرى كوشەسىمەن وڭتۇستىك باعىتتا كەلە جاتىپ، رولگە يە بولا الماي كەدەرگىگە سوعىلعان. جول اپاتى ناتيجەسىندە ءبىر ايەل مەديتسينالىق كومەككە جۇگىندى» - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.
جول اپاتى دەرەگىن تۇركسىب اۋدانىنىڭ پوليتسيا باسقارماسىنىڭ قىزمەتكەرلەرى تەكسەرىپ جاتىر.
اۆتور
دۋمان ارعىنگەلدى
