الماتىدا ارىق بويىمەن اققان بەلگىسىز كوك ءتۇستى سۇيىقتىق جۇرتتى شوشىتتى
الماتى. KAZINFORM - الەۋمەتتىك جەلىدە الماتىداعى روزىباكيەۆ كوشەسىندەگى ارىقتىڭ بويىمەن اققان بەلگىسىز كوك ءتۇستى سۇيىقتىقتىڭ ۆيدەوسى تارادى.
الماتى قالالىق ەكولوگيا جانە قورشاعان ورتا دەپارتامەنتىنىڭ وكىلدەرى وقيعا ورنىنا كوپ ۇزاماي بارعان. الايدا، ول كەزدە ارىقتا ەشقانداي كوك سۋ بولماعان.
«جەرگىلىكتى تۇرعىنداردىڭ ايتۋىنشا، بەلگىسىز سۇيىقتىق ارىق جەلىسىمەن ساعات 10:00 شاماسىندا روزىباكيە كوشەسىنىڭ تولە بي مەن رايىمبەك باتىر داڭعىلى اراسىندا اققان. ءقازىر ەشقانداي سۋ اعىپ جاتقان جوق. الداعى ۋاقىتا قالالىق ەكولوگيا جانە قورشاعان ورتا دەپارتامەنتىنىڭ ماماندارى جەرگىلىكتى پوليتسيا باسقارماسىنىڭ قىزمەتكەرلەرىمەن بىرلەسىپ ماسەلەنىڭ ءمان-جايىن انىقتايتىن بولادى»، - دەپ حابارلادى ەكولوگيا جانە قورشاعان ورتا دەپارتامەنتىنىڭ باسپا ءسوز قىزمەتى.
ەسكە سالساق، الماتىدا ەندى توسەلگەن اسفالت جابىنىن جاڭبىر سۋى شايىپ كەتكەن بولاتىن.
