14:38, 03 - قاڭتار 2024 | GMT +5
الماتىدا اناسى تاكسيدە ۇمىتىپ كەتكەن كىشكەنتاي قىز تابىلدى
ءتورت جاسار ءمارمار قالماقبايدىڭ اناسى قىزىن جامبىل اۋدانىنان الماتىعا كەلە جاتقان تاكسيدە ۇيىقتاتىپ، ۇمىتىپ كەتكەن، دەپ حابارلايدى Kazinform.
Lider kz ۆولونتەرلەرى ءمالىم ەتكەندەي، 2-قاڭتار كەشكى ساعات 20:00 شاماسىندا 39 جاستاعى باقىتگۇل قالماقباي كىشكەنتاي قىزىمەن بىرگە جامبىل اۋدانى ۇمبەتالى اۋىلىنان الماتى قالاسىنا جەتۋ ءۇشىن الماتى-بىشكەك تاسجولىندا كولىك توقتاتقان.
ساعات 20:49 شاماسىندا ايەل ۇيىقتاپ جاتقان بالانى بەلگىسىز اق كولىكتە قالدىرىپ، ءوزى رايىمبەك داڭعىلىندا ب. مومىش ۇلى كوشەسىنە جەتپەي ءتۇسىپ قالعان.
بۇگىن تاڭەرتەڭ ءمارماردى پوليتسياعا كولىك جۇرگىزۋشىسى اكەلدى.
«كىشكەنتاي قىز امان-ەسەن تابىلدى. پوليتسيا ءمارماردى اتا-اناسىنا تاپسىردى»، - دەپ حابارلادى ۆەدومستۆودان.
Посмотреть эту публикацию в Instagram
