الماتىدا العاشقى قار ەرىتۋ پۋنكتى ىسكە قوسىلدى
الماتى. KAZINFORM - الماتىدا قار ەرىتۋ پۋنكتى اشىلدى. وندا ەكولوگيالىق تازا تەحنولوگيامەن قار ەرىتىلىپ، كادەگە جاراتىلادى.
جاڭا پۋنكت «الماتى تازالىق» مەكەمەسىنىڭ كوكتايعاققا قارسى رەاگەنتتەرى ساقتالعان بۇرىنعى بازاسىندا سالىنعان. قار ەرىتۋ پۋنكتى سوڭعى جىلدارى قاردىڭ كوپ تۇسۋىنە جانە قالانىڭ ينفراقۇرىلىمىنا جۇكتەمەنىڭ ارتۋىنا بايلانىستى سالىنعان.
- قار ەرىتۋ پۋنكتىنىڭ جۇمىس پروتسەسى قولدانىستاعى كارىز جەلىسى ارقىلى كەلەتىن اعىندى سۋلاردىڭ جىلۋىن پايدالانۋعا نەگىزدەلگەن. جىلى سۋ قىسىممەن سورعى قوندىرعىلارى جانە قۇبىرلار جۇيەسىنەن ءوتىپ، قاردى ەرىتەدى. وسىدان كەيىن ەرىگەن سۋ سۇزگىگە تۇسەدى، قۇم مەن قوقىستاردان تازارتىلادى. كەيىن قالالىق كارىز جەلىسىنە جىبەرىلەدى. پۋنكتتىڭ قۋاتىلىعى - تاۋلىگىنە 1200 تەكشە مەترگە دەيىن قاردى ەرىتەدى، - دەپ حابارلادى اكىمدىكتەن.
جالپى قار ەرىتۋ پۋنكتىنە اۋەزوۆ، المالى جانە بوستاندىق اۋداندارىنىڭ اۋماقتارىنان قار جەتكىزىلەدى.
ەسكە سالايىق، بۇعان دەيىن الماتىعا قالىڭ قار تۇسكەنىن جازعانبىز.
