الماتىدا ادام ومىرىنە قاۋىپ توندىرەتىن الكوگول ونىمدەرى تابىلدى
الماتى. KAZINFORM - الماتى قالاسى مەملەكەتتىك كىرىستەر دەپارتامەنتىنىڭ قىزمەتكەرلەرى جەكە كاسىپكەردىڭ ءۇيىن تەكسەرۋ بارىسىندا كونترافاكتىلىك اكسيزدەلەتىن ءونىمدى تاپتى.
«اتاپ ايتقاندا، سپيرتتىڭ ەرەكشە ءيىسى بار قويۋ سۇر ءتۇستى 1200 ليتر كولەمىندە سۇيىقتىعى بار كانيسترلەر، 870 قاڭىلتىر سىرا جانە كونترافاكتىلى تەمەكى ءونىمى- سايكەستەندىرۋ قۇرالدارى جوق جانە 760 پاكەت مولشەرىندە انىقتالماعان ۇلگىدەگى سايكەستەندىرۋ قۇرالدارى بار تەمەكى تابىلدى»، - دەپ حابارلادى دەپارتامەنتتەن.
زاڭسىز ءونىمنىڭ جالپى قۇنى 2,2 ميلليون تەڭگە. انىقتالعان دەرەك بويىنشا ماتەريالدار پروتسەستىك شەشىم قابىلداۋ ءۇشىن سوتقا جولداندى.
«جوعارىدا اتالعان تاركىلەنگەن اكتسيزدەلەتىن ءونىم ازاماتتاردىڭ ءومىرى مەن دەنساۋلىعىنا ەلەۋلى قاۋىپ توندىرەتىنىن اتاپ وتكەن ءجون. الماتى قالاسى بويىنشا مەملەكەتتىك كىرىستەر دەپارتامەنتى ازاماتتاردى كۇماندى شىققان الكوگول ونىمدەرى مەن تەمەكى ونىمدەرىن ساتىپ الۋ كەزىندە قىراعى بولۋعا شاقىرادى»، - دەلىنگەن ۆەدومستۆو حابارلاماسىندا.
اۆتور
الما مۇقانوۆا
