الماتىدا ا ق ش-تان پوشتا ارقىلى كەلگەن ەسىرتكى تاركىلەندى
الماتى. KAZINFORM - الماتى قالاسىنىڭ ەسىرتكى قىلمىستارىنا قارسى كۇرەس باسقارماسىنىڭ قىزمەتكەرلەرى ا ق ش-تان كەلگەن حالىقارالىق پوشتا سالەمدەمەسىنىڭ جولىن كەستى.
سالەمدەمەنىڭ ىشىنەن وسىمدىك تەكتەس ەسىرتكى زاتىنىڭ ايتارلىقتاي مولشەرى تابىلعان.
- پوليتسيا قىزمەتكەرلەرى تىيىم سالىنعان زاتتاردىڭ زاڭسىز اينالىمىن انىقتاۋ جانە جولىن كەسۋ ماقساتىندا جەدەل جانە ارنايى ءىس-شارالاردى تۇراقتى تۇردە جۇرگىزىپ وتىرادى. بۇل- جالعىز جاعداي ەمەس، مۇنداي دەرەكتەر بۇعان دەيىن دە تىركەلگەن. وسىنداي قۇقىق بۇزۋشىلىقتاردىڭ الدىن الۋ بويىنشا جۇيەلى جۇمىستاردى جالعاستىرامىز. زاڭ بارلىعىنا بىردەي، مۇنداي ارەكەتتەر ءۇشىن جازانىڭ بۇلتارتپاستىعى - جۇمىسىمىزدىڭ باستى قاعيدالارىنىڭ ءبىرى، - دەدى ەسىرتكى قىلمىستارىنا قارسى كۇرەس باسقارماسىنىڭ باستىعى مۇرات جۇمابايەۆ.
اتالعان دەرەك بويىنشا سوتقا دەيىنگى تەرگەۋ باستالدى. كۇدىكتى قاماۋعا الىندى.
ەسكە سالايىق، كلىمىزدە ءبىر اپتادا 750 كەلىدەن استام ەسىرتكى تاركىلەندى.
