الماتىدا 87 مىڭنان استام جاڭا جۇمىس ورنى اشىلادى

الماتى. KAZINFORM - الماتىدا جىل باسىنان بەرى 19483 جۇمىس ورنى اشىلدى، ونىڭ 11896 سى - تۇراقتى، 7587 سى - ۋاقىتشا.

الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنان اتاپ وتكەندەي، جىل سوڭىنا دەيىن 87025 جۇمىس ورنىن قۇرۋ جوسپارعا ەنگىزىلگەن. ونىڭ 68387 سى تۇراقتى، 18638 ى ۋاقىتشا بولادى.

«قالالىق موبيلدىلىك ورتالىعىنا وتىنىشتەر بويىنشا جۇمىسپەن 20462 ادام قامتىلدى: تۇراقتى جۇمىس ورىندارىنا - 2725 ادام، سۋبسيديالاناتىن جۇمىس ورىندارىنا - 7587 ادام، الەۋمەتتىك جۇمىس ورىندارىنا - 519 ادام، جاستار پراكتيكاسىنا - 134 ادام، قوعامدىق جۇمىستارعا - 6770 ادام، كۇمىس جاسقا - 122 ادام»، - دەپ اتاپ ءوتتى باسقارمادان.

2023 -جىلى جۇمىس كۇشىنىڭ سانى 1098 مىڭ ادامعا جەتتى. بۇل 2022 -جىلدىڭ وسى كەزەڭىمەن سالىستىرعاندا 46 مىڭ تۇرعىنعا ارتىق، ونىڭ ىشىندە جۇمىسپەن قامتىلعان حالىق سانى - 1045,5 مىڭ ادام (47,5 مىڭ ادامعا كوپ).

بۇعان دەيىن الماتىدا جۇمىسقا ورنالاسۋعا كومەكتەسەتىن باعدارلامالار تۋرالى جازعان ەدىك.

اۆتور

الما مۇقانوۆا