الماتىدا 4 مىڭعا جۋىق ادام سوت شەشىمىمەن جۇرگىزۋشى كۋالىگىنەن ايىرىلدى
الماتى. KAZINFORM - بىلتىر 3993 الماتىلىق جۇرگىزۋشى كۋالىگىنەن ايىرىلدى
جەرگىلىكتى پوليتسيا قىزمەتىنىڭ مالىمەتىنشە، وتكەن جىلى الماتىنىڭ جولدارىندا 2508 جۇرگىزۋشى ماس كۇيىندە كولىك جۇرگىزگەنى ءۇشىن ۇستالعان. بۇل جاعداي جول قوزعالىسى قاتىسۋشىلارىنىڭ قاۋىپسىزدىگىنە ۇلكەن قاتەر ءتوندىرىپ وتىر.
- سوت شەشىمىمەن 3993 جۇرگىزۋشى جۇرگىزۋشى كۋالىگىنەن ايىرىلدى، ال 2365 جۇرگىزۋشىگە اكىمشىلىك قاماۋ شاراسى قولدانىلدى. الماتى پوليسياسى وسى ماسەلەگە قاتىستى دابىل قاعىپ، تانىمال تۇلعالار ارقىلى تۇرعىندارعا ءتۇسىندىرۋ جۇمىستارىن قولعا الدى. سپورتشىلار، انشىلەر، ارتىستەر وزدەرىنىڭ بەينەجولداۋلارىندا جۇرگىزۋشىلەردى ماس كۇيىندە رولگە وتىرماۋعا شاقىرادى، - دەپ حابارلادى ۆەدومستۆودان.
ءتارتىپ ساقشىلارىنىڭ ايتۋىنشا، مۇنداي جۇمىستار جول قوزعالىسىنداعى ءتارتىپتى جاقسارتۋعا جانە جول اپاتتارىنىڭ الدىن الۋعا سەپتىگىن تيگىزەدى.
