الماتىدا 25 ادامنىڭ اتىنان زاڭسىز نەسيە راسىمدەگەن جاس جىگىت ۇستالدى

الماتى. KAZINFORM - الماتىدا تۇرعىنداردىڭ اتىنان زاڭسىز نەسيە راسىمدەگەن كۇدىكتى ۇستالدى.

جەدەل-ىزدەستىرۋ ءىس-شارالارى اياسىندا پوليتسيا قىزمەتكەرلەرى 20 جاستاعى الماتى قالاسىنىڭ تۇرعىنىن انىقتاپ، ۇستادى.

كيبەرقىلمىسقا قارسى كۇرەس باسقارماسىنىڭ مالىمەتىنشە، جاۋاپ الۋ كەزىندە جاس جىگىت ءوز كىناسىن مويىنداپ، مۇنداي ارەكەتتى 25 ادامنىڭ اتىنان راسىمدەگەنىن ايتتى.

- كۇدىكتى المالى اۋداندىق پوليتسيا بولىمىنە جەتكىزىلدى. مۇنداي قىلمىستار جازاسىز قالمايدى، - دەدى الماتى قالالىق پ د كيبەرقىلمىسقا قارسى كۇرەس باسقارماسىنىڭ باستىعى انەس قالدىبايەۆ.

وسىعان دەيىن، الماتى وبلىسىندا «جەر الىپ بەرەمىن» دەپ ادامداردى الداعان 62 جاستاعى ايەل ۇستالعان بولاتىن.