الماتىدا 12 مۇز ايدىنى تەگىن بولادى

الماتى. KAZINFORM - الماتىدا مەگاپوليس تۇرعىندارى مەن قوناقتارى ءۇشىن 12 تەگىن اشىق مۇز ايدىنى جۇمىس ىستەيتىن بولادى. بۇل تۋرالى قالالىق سپورت باسقارماسى ءمالىم ەتتى.

قالا اكىمدىگى باسپا ءسوز قىزمەتىنىڭ مالىمەتىنشە، ءبىرىنشى جەلتوقسانان باستاپ شاھاردا 12 مۇز ايدىنى اشىلادى.

كىرۋ تەگىن. كونكيدى سول جەردەن جالعا الۋعا بولادى. جالعا الۋ قۇنى - 1,5 مىڭ (2 ساعات) تەڭگە. ءوزىڭىزدىڭ كونكيىڭىزبەن سىرعاناۋ تولىقتاي تەگىن. جالعا بەرۋ پۋنكتتەرى جۇمىس كۇندەرى 10:00 دەن 22:00 گە دەيىن جانە دەمالىس كۇندەرى 10:00 دەن 23:00 گە دەيىن جۇمىس ىستەيدى.

مۇز ايدىندارى كۇن سايىن كەلەسى مەكەنجايلار بويىنشا جۇمىس ىستەيتىن بولادى:

- رەسپۋبليكا سارايىنىڭ الدىنداعى اباي الاڭى؛

- Halyk Arena؛

- 28 باتىر- پانفيلوۆشىلار اتىنداعى ساياباق؛

- تۇڭعىش پرەزيدەنت ساياباعى؛

- ناۋرىزباي اكىمدىگىنىڭ الدىنداعى الاڭ؛

- ق ب ت ۋ تۇراعى؛

- «اۆياتور» ستاديونى؛

- كوكجيەك ش/ا؛

- «گۇلدەر» ساياباعى؛

- الماتى ارەنا؛

- 6-وقۋشىلار ءۇيى؛

- مۇسىرەپوۆ اتىنداعى جاس وسپرىمىدەر تەارتىنىڭ الدى.

«بارلىق مۇز ايدىنىنىڭ وتكىزۋ قابىلەتى ءبىر ماۋسىمدا 300 مىڭنان استام ادام. اشىق مۇز ايدىنى بويىنشا جوبانى سپورت باسقارماسى 2017-جىلدان باستاپ ىسكە اسىرىپ كەلەدى. وسى ۋاقىت ىشىندە ولارعا 2 ميلليوننان استام ادام كەلدى»، - دەپ اتاپ ءوتتى اكىمدىكتەن.