الماتىعا رەيس بروندايتىن تۋريستەر سانى 1,5 ەسە ءوستى

الماتى. KAZINFORM - الماتىعا كەلەتىن ساياحاتشىلاردىڭ باعىتتارى مەن تۋريستەر سانىنا زەرتتەۋ جۇرگىزىلدى.

تالداۋ ساياحاتتىڭ نەگىزگى كەزەڭدەرىن قامتيدى - جوسپارلاۋ، برونداۋ، ورنالاسۋ مەن دەمالىس.

الماتى - ەلىمىزدەگى باستى تۋريستىك ورتالىقتاردىڭ ءبىرى. ورتالىق ازيادا بارلىق تۋريستىك سۇرانىستارىنىڭ 29,7 پايىزى الماتىعا تيەسىلى.

ءوسىمدى اۋە رەيستەرىنىڭ كوبەيۋىنەن بايقاۋعا بولادى: الماتىعا رەيستەر سانى ءداستۇرلى اۋە كومپانيالارىندا %24,7 عا جانە لوۋكوستەرلەردە 44,5 پايىزعا ارتتى. قايتا كەلۋشىلەردىڭ ۇلەسى %78,6 عا ءوسىپ، 25 پايىزعا جەتتى. اسىرەسە ءىرى شارالاردىڭ الدىندا بيلەتتەردى ەرتەرەك، 40 كۇن بۇرىن ىزدەۋ ۋاقىتى 24 پايىزعا وسكەنىن كورسەتەدى.

Almaty Tourism Bureau مالىمەتىنشە، الماتىعا رەيس بروندايتىن جولاۋشىلار سانى 1,5 ەسە وسكەن. بۇل قولجەتىمدى رەيستەردىڭ كوبەيۋىمەن بايلانىستى. الدىڭعى قاتارداعى 10 ەلدىڭ ىشىندە قىتاي كوش باستاپ تۇر. 2024-جىلدىڭ ءبىرىنشى جارتىجىلدىعىندا بۇل ەلدەن برونداۋلار سانى 6 ەسەگە ارتىپ، 25,2 مىڭ بيلەتكە جەتتى. ەڭ كوپ برونداۋ تۇركيادان جاسالعان، بۇل قازاقستانمەن ىسكەرلىك بايلانىستاردىڭ تىعىزدىعىنا قاتىستى.

الماتىعا كەلەتىن تۋريستەر بەلسەندى دەمالىستى ءجون كورەدى: ساياحاتشىلاردىڭ 54 پايىزى تۋرلار مەن ەكسكۋرسيالاردى تاڭدايدى. %44 دجيپ-تۋرلاردى ءجون كورەدى. گاسترونوميا، شوپينگ جانە ويىن-ساۋىق جوعارى باعالانادى.

وتباسىلىق تۋريزمگە قاتىستى جاعىمدى پىكىرلەر ۇلەسى 12 پايىزعا ءوستى. ىسكەرلىك شىعىندار بەلسەندىلىك، ينۆەستيتسيالار جانە حالىقارالىق فورۋمداردىڭ كوبەيۋىنە بايلانىستى ءۇش ەسەگە ارتتى.

ەسكە سالايىق، بۇعان دەيىن شەتەلدىك تۋريستەر قاراجاتىنىڭ 50 پايىزىن جاتىن ورىنعا جۇمسايتىنى تۋرالى جازعان ەدىك.