الماتى وبلىسىنىڭ قۇتقارۋشىلارى قار كوشكىنى قاۋپى تۋرالى ەسكەرتتى
الماتى. KAZINFORM - الماتى وبلىسىنىڭ توتەنشە جاعدايلار دەپارتامەنتى قار كوشكىنى قاۋپى تۋرالى ەسكەرتۋ جاسادى.
ت ج د مالىمەتىنە سايكەس، الماتى وبلىسىنىڭ تاۋلارىندا 6-9-قاڭتار ارالىعىندا كوشكىن قاۋپى ساقتالادى. الماتى وبلىسىنىڭ اۋماعىندا ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 55 كوشكىن قاۋپى بار ۋچاسكە بار.
- دەپارتامەنت ازاماتتاردان، تۋريستەردەن قار كوشكىنى بولۋى مۇمكىن بولعاندىقتان، قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك شارالارىن ساقتاۋدى سۇرايدى. نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن- شاشىننىڭ تۇسۋىنە بايلانىستى بولادى، - دەپ حابارلادى وبلىستىق ت ج د باسپاءسوز قىزمەتى.
سونداي-اق، الماتى وبلىسىنىڭ قۇتقارۋشىلارى جۇقا مۇزدا ادامداردىڭ جاراقاتتانۋى مەن ءولىمىنىڭ الدىن الۋ ماقساتىندا سۋ ايدىندارىندا قاۋىپسىزدىك ەرەجەلەرىن ساقتاۋدى جانە جۇقا مۇزعا شىقپاۋدى سۇرايدى.
ەسكە سالايىق، بۇعان دەيىن الماتىدان 353 شاقىرىم جەردە جەر سىلكىنگەنىن جازعانبىز.
