الماتى وبلىسىنىڭ جولدارىن كامەراسى بار پاترۋلدىك كولىكتەر باقىلايدى

Алматы облысының жолдарын камерасы бар патрульдік көліктер бақылайды
فوتو: ماقسات شاعىربايەۆ/kazinform

الماتى وبلىسىندا جول ءجۇرۋ ەرەجەسىن بۇزعانداردى تىركەيتىن ارنايى كامەرالارمەن جابدىقتالعان پوليتسيا كولىكتەرى ءجۇر، دەپ حابارلايدى Kazinform.

وبلىستىق پوليتسيا دەپارتامەنتى جول قاۋىپسىزدىگىنىڭ الدىن الۋ جۇمىستارىنىڭ تيىمدىلىگىن ارتتىرۋ ماقساتىندا 20 قىزمەتتىك كولىككە ارنايى قۇرىلعى ورناتىلعانىن مالىمدەدى.

«اپپاراتتىق- باعدارلامالىق كەشەن فوتو جانە ۆيدەو جازۋعا، كولىك قۇرالدارىنىڭ جىلدامدىعىن ولشەۋگە، كولىكتىڭ مەملەكەتتىك ءنومىرىن تانۋعا، جالپى كولىك اپاتىنا اكەلەتىن جول قوزعالىسى ەرەجەلەرىن بۇزعانداردى انىقتاۋعا ارنالعان»، - دەپ اتاپ ءوتتى الماتى وبلىستىق پوليتسيا دەپارتامەنتىنىڭ باسشىسى باۋىرجان الەنوۆ.

قۇرىلعى جولداعى جانە تۇراقتاعى كولىكتەردىڭ ءنومىرىن اۆتوماتتى تۇردە تانيدى، الىنعان دەرەكتەر باس پروكۋراتۋرانىڭ جانىنداعى اكىمشىلىك قۇقىق بۇزۋشىلىقتاردىڭ ءبىرىڭعاي تىزىلىمىنە جىبەرىلەدى.

سوڭعى جاڭالىقتار