الماتى وبلىسىنىڭ اكىمدىگىندە كادرلىق اۋىس- ءتۇيىس بولدى

قونايەۆ. KAZINFORM - الماتى وبلىسىندا اسەت ماسابايەۆ پەن ايدىن اۋەسباي جاڭا قىزمەتتەرگە تاعايىندالدى.

Алматы облысының әкімдігінде кадрлық ауыс-түйіс болды
Фото: Алматы облысының әкімдігі / Kazinform

الماتى وبلىسى اكىمىنىڭ وكىمىمەن اسەت دۇيسەبەك ۇلى ماسابايەۆ 2025 - جىلدىڭ 23 - قاڭتارىنان باستاپ الماتى وبلىسى اكىمىنىڭ ورىنباسارى لاۋازىمىنا تاعايىندالدى.

اسەت دۇيسەبەك ۇلى 1985 -جىلى تۋعان. ءبىلىمى جوعارى. 2008 - جىلى الماتى ەنەرگەتيكا جانە بايلانىس ينستيتۋتىن «ەلەكترەنەرگەتيكالىق جۇيەلەر جانە توراپتار» ماماندىعى بويىنشا، 2014 - جىلى ەكونوميكا جانە قۇقىق اكادەمياسىن «قارجى» ماماندىعى، رەسەي حالىقتار دوستىعى ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن.

ەڭبەك جولىن 2007 - جىلى «الماتى ەلەكتر ستانتسيالارى» ا ق- نىڭ ەلەكترومونتەرى بولىپ باستاعان.

ءار جىلدارى الماتى قالاسى جەتىسۋ جانە مەدەۋ اۋدانى اكىمدەرىنىڭ ورىنباسارى، الماتى قالاسى اكىمى اپپاراتىنىڭ باس ينسپەكتورى، الماتى قالاسى مەدەۋ اۋدانىنىڭ اكىمى، جەتىسۋ وبلىسى تالدىقورعان قالاسىنىڭ اكىمى لاۋازىمدارىندا قىزمەت اتقارعان. 2024 - جىلعى 16- تامىزىنان باستاپ بۇگىنگى كۇنگە دەيىن «ULKEN GROUP LTD» جەكە كومپانياسىنىڭ باسقارۋشى ديرەكتورى لاۋازىمىندا قىزمەت ەتتى.

سونىمەن قاتار الماتى وبلىسى اكىمىنىڭ وكىمىمەن ايدىن اۋەسباي ۇلى اۋەسباي 2025 - جىلدىڭ 23 - قاڭتارىنان باستاپ الماتى وبلىسىنىڭ مەملەكەتتىك ساۋلەت- قۇرىلىس باقىلاۋ باسقارماسىنىڭ باسشىسى لاۋازىمىنا تاعايىندالدى.

ايدىن اۋەسباي ۇلى 1981 -جىلى تۋعان. ءبىلىمى جوعارى. 2005 - جىلى م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن «قۇرىلىستى مەحانيكالاندىرۋ جانە اۆتوماتتاندىرۋ» ماماندىعى بويىنشا، 2012 -جىلى ءو. ا. جولداسبەكوۆ اتىنداعى ەكونوميكا جانە قۇقىق اكادەمياسىن «قۇقىق تانۋ» ماماندىعى بويىنشا، 2024 - جىلى حالىقارالىق كولىكتىك- گۋمانيتارلىق ۋنيۆەرسيتەتىن «ەكونوميكا» ماماندىعى بويىنشا بىتىرگەن.

ەڭبەك جولىن 2006 - جىلى الماتى وبلىسى جامبىل اۋداندىق تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ جەتەكشى مامانى بولىپ باستاعان. ءار جىلدارى جامبىل اۋدانى ۇزىناعاش سەلولىق وكرۋگ اكىمىنىڭ ورىنباسارى، الماتى وبلىسى قاراساي اۋدانى رايىمبەك اۋىلدىق وكرۋگىنىڭ اكىمى، قاراساي اۋدانى اكىمى اپپاراتىنىڭ باسشىسى، اۋدان اكىمىنىڭ ورىنباسارى، الماتى وبلىسى جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى، «ا ا ك قونايەۆ» ا ق تاۋ- كەن مەتاللۋرگيا جانە وڭدەۋ ونەركاسىبىندەگى ينۆەستيتسيالىق جوبالار دەپارتامەنتىنىڭ ديرەكتورى لاۋازىمدارىندا قىزمەت اتقارعان.

2023 -جىلدىڭ 23 - جەلتوقسانىنان باستاپ بۇگىنگە دەيىن الماتى وبلىسى ىلە اۋدانى اكىمىنىڭ ورىنباسارى لاۋازىمىندا قىزمەت ەتتى.

ەسكە سالايىق، بۇعان دەيىن ەلىمىزدە اپتا ىشىندە بولعان كادرلىق تاعايىنداۋلار تۋرالى جازعانبىز.

سوڭعى جاڭالىقتار