09:30, 22 - قازان 2024 | GMT +6
الماتى وبلىسىندا زورلاۋ ءىسى بويىنشا ايىپتالعان ەر ادام قاماۋدان قاشىپ كەتتى
قونايەۆ. KAZINFORM - تالعار اۋداندىق پوليتسيا باسقارماسىنىڭ ۋاقىتشا ۇستاۋ يزولياتورىنان زورلاۋ جاسادى دەگەن كۇدىكپەن قاماۋدا وتىرعان ازامات ك. قاشىپ كەتتى.
الماتى وبلىستىق پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، وسىعان بايلانىستى «دابىل» جوسپارى ەنگىزىلدى. نەگىزگى جولدارعا بلوك-بەكەتتەر قويىلىپ، قاشقىندى ىزدەپ تابۋ جانە ۇستاۋ ءۇشىن بارلىق كۇش پەن قۇرالدار جۇمىلدىرىلدى.
«سونىمەن قاتار، قاشۋ جاعدايىن انىقتاۋ ءۇشىن قىزمەتتىك تەكسەرۋ تاعايىندالدى. جاعداي وبلىستىق پوليتسيا دەپارتامەنتى باسشىلىعىنىڭ باقىلاۋىندا»، - دەپ حابارلادى ۆەدومستۆودان.
اۆتور
الما مۇقانوۆا
