الماتى وبلىسىندا سوتتالعاندار نەسيە راسىمدەپ، كازينو ويناعان
قونايەۆ. KAZINFORM - الماتى وبلىسىنىڭ پروكۋراتۋراسى تۇزەۋ مەكەمەلەرىندە زاڭسىزدىقتاردى انىقتادى.
پروكۋراتۋرا مالىمەتىنشە، سوتتالعاندار، ۇيالى تەلەفوندار پايدالانۋ ارقىلى ونلاين ساتىپ-الۋدى، كرەديتتەردى راسىمدەپ جانە بۋكمەكەرلىك كەڭسەلەر مەن ونلاين-كازينو ارقىلى قۇمار ويىندارعا قاتىسقان. تۇرمەدەگى اقشا اينالىمى 3 ميلليارد تەڭگەدەن اسقان.
«10-مەكەمەنىڭ سوتتالعاندارى، موبيلدى قۇرىلعىلاردى قولدانا وتىرىپ، رۇقسات ەتىلگەن جانە تىيىم سالىنعان زاتتاردى مەكەمە ىشىندە ساتقان. اتالعان دەرەك بويىنشا الماتى وبلىسىنىڭ پروكۋراتۋراسىمەن ق ك- ءنىڭ 361-بابى 2-1-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلدى»، - دەپ حابارلادى ۆەدومستۆودان.
ىلە اۋداندىق سوتىنىڭ ۇكىمىمەن وسى مەكەمەنىڭ ءۇش قىزمەتكەرىنە ءتۇرلى جازالاۋ شاراسى قابىلداندى.
بۇدان باسقا، وبلىس پروكۋراتۋراسى ق ك- ءنىڭ 361-بابى 2-1-بولىگى بويىنشا 12-جانە 57-مەكەمەلەردىڭ قىزمەتكەرلەرىنە قاتىستى سوتقا دەيىنگى تەرگەپ-تەكسەرۋدى باستادى، 57-مەكەمە باستىعىنا قاتىستى قاماۋدا ۇستاۋ تۇرىندەگى بۇلتارتپاۋ شاراسى قولدانىلدى.
«انىقتالعان دەرەكتەر، قىلمىستىق- اتقارۋ جۇيەسىندەگى مەكەمە قىزمەتكەرلەرىنىڭ قاتىسۋىمەن بۇزۋشىلىقتاردىڭ جالعاسىپ جاتقاندىعىن ايعاقتايدى. تەرگەۋ جالعاسۋدا جانە قازىرگى ۋاقىتتا ق پ ك- ءنىڭ 201-بابىنا سايكەس وزگە اقپارات جاريالانۋعا جاتپايدى»، - دەپ اتاپ ءوتتى الماتى وبلىستىق پروكۋراتۋراسى.
