الماتى وبلىسىندا قارۋمەن قورقىتىپ، 40 ميلليون تەڭگەسى بار سەيفتى اكەتكەندەر ۇستالدى

қарақшылық шабуыл
Фото: Фото: freepik.com

 الماتى وبلىسىندا ۇيگە ۇرلىققا تۇسكەندەر 40 ميلليون تەڭگە جانە باعالى زاتتار سالىنعان سەيفتى كوتەرىپ اكەتكەن. Kazinform بۇل تۋرالى Polisia.kz-كە سىلتەمە جاساپ حابارلايدى. 

-قازاندا جامبىل اۋدانىنىڭ پوليتسيا بولىمىنە بەلگىسىز 3 ادام قاسىمبەك اۋىلىنداعى ۇيلەردىڭ بىرىنە قاراقشىلىق شابۋىل جاساعانى تۋرالى اقپارات تۇسكەن. ولار ءۇي يەلەرىن قارۋمەن قورقىتىپ، وق اتقان. كەيىن 40 ميلليون تەڭگە اقشا، التىن اشەكەيلەر مەن وزگە دە باعالى زاتتارى بار سەيفتى ۇرلاپ اكەتكەن.

الماتى وبلىستىق پوليتسيا دەپارتامەنتى باستىعىنىڭ نۇسقاۋى بويىنشا جەدەل تەرگەۋ توبى قۇرىلىپ، ولار قىسقا مەرزىمدە ءۇش كۇدىكتىنى ۇستادى.

«دەرەك ق ر قىلمىستىق كودەكسىنىڭ 192-بابى 3-بولىگىنىڭ 4-تارماعى «قاراقشىلىق» بويىنشا تىركەلدى. قازىر تەرگەۋدىڭ تولىقتىعىن، جان- جاقتىلىعىن جانە وبەكتيۆتىلىگىن قامتاماسىز ەتۋ ماقساتىنداعى بارلىق قاجەتتى شارالارى جۇرگىزىلىپ جاتىر»، - دەدى الماتى وبلىستىق پ د باستىعى باۋىرجان الەنوۆ.

ءىستى تەرگەۋ بارىسى وبلىستىق پوليتسيا باستىعىنىڭ جەكە باقىلاۋىنا الىندى.

اۆتور

گۇلميرا الياكپاروۆا

سوڭعى جاڭالىقتار