الماتى وبلىسىندا قار كوشكىنى ءجۇرۋى مۇمكىن
استانا. KAZINFORM - الماتى وبلىسىندا قار كوشكىنى قاۋپى ساقتالادى. بۇل تۋرالى «قازگيدرومەت» ر م ك باسپا ءسوز حاتشىسى الينا ىسماعۇلوۆا ايتتى.
«12-13-ءساۋىر ارالىعىندا قاتتى جاۋىن-شاشىن بولجامىنا بايلانىستى جەتىسۋ وبلىسىنىڭ تاۋ جانە تاۋ ەتەگىندەگى ايماقتاردا بەتكەيلىك اعىندىنىڭ قالىپتاسۋى جانە وزەندەردە سۋ دەڭگەيلەرىنىڭ كوتەرىلۋى كۇتىلەدى. 13-16-ءساۋىر ارالىعىندا الماتى وبلىسىنىڭ ۇلكەن جانە كىشى الماتى سۋ الاپتارىندا جىلىمىقتىڭ اسەرىنەن، قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا جانە جاۋىن-شاشىن كۇتىلۋىنە بايلانىستى قار كوشكىنى قاۋپى ساقتالادى»، - دەدى ول ورتالىق كوممۋنيكاتسيالار قىزمەتىندەگى بريفينگتە.
ونىڭ ايتۋىنشا، قوستاناي وبلىسىندا 13-17-ءساۋىر ارالىعىندا جاڭبىر تۇرىندەگى جاۋىن-شاشىن بولجامىنا، سونداي-اق وزەننىڭ جوعارى اعىسىنداعى جىلعالار مەن جازىقتاردان ەرىگەن قار اعىننىڭ كەلۋىنە بايلانىستى وبلىستىڭ سولتۇستىگى مەن سولتۇستىك-شىعىسىنداعى وزەندەردە سۋ دەڭگەيىنىڭ كوتەرىلۋ قاۋپى بار.
